بيىل رەسپۋبليكالىق ماڭىزى بار اۆتوموبيل جولدارىن جٶندەۋ جەنە كٷتٸپ ۇستاۋعا 86 ملرد تەڭگە بٶلٸندٸ. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگتە قر ييدم اۆتوموبيل جولدارى كوميتەتٸنٸڭ تٶراعاسى سايرانبەك بارماقوۆ ايتتى, دەپ حابارلايدى قازاقپارات.
«بيىل رەسپۋبليكالىق ماڭىزى بار اۆتوموبيل جولدارىن جٶندەۋ جەنە اتالعان جولداردى كٷتٸپ ۇستاۋعا 86 ملرد تەڭگە بٶلٸندٸ. كٷردەلٸ جٶندەۋ جۇمىستارمەن جولداردىڭ 440 شاقىرىمى قامتىلىپ وتىر. ونىڭ 62 شاقىرىمى پايدالانۋعا بەرٸلەدٸ دەپ جوسپارلانعان. كٷردەلٸ جٶندەۋ جۇمىستارىنىڭ اياسىندا بارلىعى 23 جوبا ٸسكە اسىرىلىپ جاتىر. ورتاشا جٶندەۋ جۇمىستارىمەن اۆتوموبيل جولدارىنىڭ 1079 شاقىرىمى قامتىلعان. ورتاشا جٶندەۋ جۇمىستارىنىڭ اياسىندا 65 جوبا ٸسكە اسىرىلۋدا», - دەدٸ ول.
ونىڭ ايتۋىنشا, رەسپۋبليكالىق ماڭىزى بار جولداردا ەكٸ اي ٸشٸندە شۇڭقىرلاردى جاماۋ, جول بەلگٸلەرٸن ورناتۋ جەنە اۋىستىرۋ, سونداي-اق جولداردىڭ قوزعالىس بٶلٸگٸن تاڭبالاۋ سيياقتى جۇمىستاردىڭ جىلدىق كٶلەمٸنٸڭ كەم دەگەندە 60 پايىزى ورىندالماق. بۇل جۇمىستار 15 سەۋٸر مەن 15 ماۋسىم ارالىعىندا ەلٸمٸزدٸڭ وڭتٷستٸك ٶڭٸرلەرٸندە اتاپ ايتقاندا, الماتى, اتىراۋ, جامبىل, قىزىلوردا, ماڭعىستاۋ جەنە تٷركٸستان وبلىستارىندا, 1 مامىر مەن 1 شٸلدە ارالىعىندا ەلٸمٸزدٸڭ سولتٷستٸك ايماقتارىنداعى اقمولا, اقتٶبە, باتىس قازاقستان, شىعىس قازاقستان, قاراعاندى, قوستاناي, پاۆلودار جەنە سولتٷستٸك قازاقستان وبلىستارىندا جٷرگٸزٸلەتٸن بولادى.
«اۆتوموبيل جولدارىن كٷتٸپ ۇستاۋ اياسىنداعى جۇمىستاردىڭ بارلىعى جوسپارلانعان كەستەگە سەيكەس جٷرگٸزٸلۋدە. جۇمىسشىلار سانيتارلىق-ەپيدەميولوگييالىق ەرەجەلەردٸڭ بارلىعىن قاتاڭ ساقتايدى», - دەدٸ كوميتەت باسشىسى.
