بٷگٸن نۇرلان ەبدٸروۆتٸڭ تٶراعالىعىمەن ورتالىق سايلاۋ كوميسسيياسىنىڭ وتىرىسى ٶتتٸ, - دەپ حابارلايدى "ۇلت اقپارات".
وتىرىستا كەلەسٸ مەسەلەلەر قارالدى:
1. «2022 جىلعى 20 قاراشاعا تاعايىندالعان قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىنا حالىقارالىق ۇيىمدار مەن شەت مەملەكەتتٸڭ بايقاۋشىلارىن اككرەديتتەۋ تۋرالى»
2. «جيگۋلي مولداحالىقۇلى دايراباەۆتى 2022 جىلعى 20 قاراشاعا تاعايىندالعان قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىندا قازاقستان رەسپۋبليكاسىنىڭ پرەزيدەنتتٸگٸنە كانديدات رەتٸندە تٸركەۋ تۋرالى».
كٷن تەرتٸبٸنٸڭ بٸرٸنشٸ مەسەلەسٸ بويىنشا ورتسايلاۋكوم حاتشىسى مۇحتار ەرمان باياندادى. ول وسك حالىقارالىق بايقاۋ ينستيتۋتىن 2022 جىلدىڭ 22 قىركٷيەگٸندە اشقانىن مەلٸمدەدٸ. حالىقارالىق بايقاۋشىلاردى اككرەديتتەۋ 14 قاراشا ساعات 18:00-دە اياقتالادى.
سىرتقى ٸستەر مينيسترلٸگٸنٸڭ ۇسىنىسى بويىنشا اككرەديتتەۋگە تٶرت حالىقارالىق ۇيىمنان جەنە بٸر شەت مەملەكەتتەن 43 بايقاۋشى ۇسىنىلعان. ونىڭ ٸشٸندە: 6 بايقاۋشى تمد بايقاۋشىلار ميسسيياسىنىڭ قۇرامىندا, 17 بايقاۋشى - تمد پاا-دان, 13 بايقاۋشى - ەقىۇ/دياقب ميسسيياسى, 5 بايقاۋشى - تٷركٸ مەملەكەتتەرٸ ۇيىمى بايقاۋشىلار ميسسيياسىنان, سونداي-اق گرۋزييا ەلٸنەن 2 بايقاۋشى اككرەديتتەلدٸ. اككرەديتتەۋگە ۇسىنىستاردىڭ كەلٸپ تٷسۋٸنە قاراي بايقاۋشىلار جٶنٸندەگٸ دەرەكتەر جاڭارتىلىپ وتىرادى.
بايانداما قورىتىندىسى بويىنشا قر وسك «حالىقارالىق ۇيىمدار مەن شەت مەملەكەتتٸڭ بايقاۋشىلارىن 2022 جىلعى 20 قاراشاعا تاعايىندالعان قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىنا اككرەديتتەۋ تۋرالى» قاۋلى قابىلدادى.
"جيگۋلي مولداحالىقۇلى دايراباەۆتى تٸركەۋ مەسەلەسٸ بويىنشا ورتسايلاۋكوم مٷشەسٸ اسىلبەك سماعۇلوۆ بايانداما جاسادى. ول 2022 جىلدىڭ 5 قازانىندا ورتالىق سايلاۋ كوميسسيياسىنا «اۋىل» حالىقتىق-دەموكراتييالىق پاتريوتتىق پارتيياسى» قوعامدىق بٸرلەستٸگٸ ج.م. دايراباەۆتى قازاقستان رەسپۋبليكاسىنىڭ پرەزيدەنتتٸگٸنە كانديدات ەتٸپ ۇسىنۋ تۋرالى قۇجاتتاردى ۇسىنعانىن حابارلادى. ورتالىق سايلاۋ كوميسسيياسىنا كانديداتتى تٸركەۋ ٷشٸن مىناداي قۇجاتتار ۇسىنىلدى:
- پرەزيدەنتتٸككە كانديدات ج.م. دايراباەۆتىڭ جەنە ونىڭ زايىبىنىڭ اكتيۆتەر مەن مٸندەتتەمەلەر جٶنٸندە دەكلاراتسييالار تاپسىرعانى تۋرالى مەملەكەتتٸك كٸرٸستەر ورگانىنىڭ انىقتاماسى;
- پرەزيدەنتتٸككە كانديدات ج.م. دايراباەۆتىڭ ونى تٸركەۋگە كەدەرگٸ كەلتٸرەتٸن اۋرۋلاردىڭ جوقتىعى تۋرالى مەديتسينالىق قورىتىندىسى;
- وبلىستاردىڭ, رەسپۋبليكالىق ماڭىزى بار قالالاردىڭ جەنە قازاقستان رەسپۋبليكاسى استاناسىنىڭ اۋماقتىق سايلاۋ كوميسسييالارىنىڭ پرەزيدەنتتٸككە كانديدات ج.م. دايراباەۆتى قولداپ جينالعان ازاماتتاردىڭ قولدارىن تەكسەرۋ نەتيجەلەرٸ تۋرالى حاتتامالارى.
وسى حاتتامالارعا سەيكەس پرەزيدەنتتٸككە كانديدات ج. م. دايراباەۆتى قولداۋ ماقساتىندا قازاقستاننىڭ بارلىق 20 ٶڭٸرٸنەن 125 081 ازاماتتىڭ قولى جينالدى. تەكسەرۋ نەتيجەسٸندە 119 975 قول راس دەپ تانىلدى, ياعني قاجەتتٸ سانى قامتاماسىز ەتٸلدٸ, بۇل سايلاۋشىلاردىڭ جالپى سانىنىڭ كەمٸندە 1% نەمەسە 118 273-ٸ.
ج.م. دايراباەۆتى پرەزيدەنتتٸككە كانديدات رەتٸندە تٸركەۋگە قاجەتتٸ بارلىق قۇجاتتار ورتالىق سايلاۋ كوميسسيياسىنا ۇسىنىلدى جەنە ولارعا قويىلاتىن تالاپتارعا تولىق سەيكەس كەلەدٸ" - دەلٸنگەن حابارلامادا.
قر وسك قاۋلىسىمەن جيگۋلي مولداحالىقۇلى دايراباەۆ 2022 جىلعى 20 قاراشاعا تاعايىندالعان قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىندا قازاقستان رەسپۋبليكاسىنىڭ پرەزيدەنتتٸگٸنە كانديدات بولىپ تٸركەلٸپ, وعان تيٸستٸ كۋەلٸك بەرٸلدٸ.
