قر پرەزيدەنتتٸگٸنە كانديدات جيگۋلي دايراباەۆ بٷگٸن فاريد ەبيتاەۆ باسقاراتىن مايلى داقىلداردىڭ تەجٸريبە شارۋاشىلىعى قىزمەتكەرلەرٸمەن كەزدەستٸ, دەپ حابارلايدى "ۇلت اقپارات" «اۋىل» حدپپ باسپاسٶز قىزمەتٸنە سٸلتەمە جاساپ.
ۇجىم بٷگٸندە سٷت ٶندٸرۋ جەنە ٶسٸمدٸك شارۋاشىلىعى بويىنشا رەسپۋبليكادا ٶتە جوعارى كٶرسەتكٸشكە يە. مايلى داقىلداردىڭ تۇقىم شارۋاشىلىعى سالاسىندا جەتەكشٸ ورىندا. ٶز سەلەكتسيياسىن جٷرگٸزەتٸن زاماناۋي تەجٸريبە جاساۋ القاپتارى بار. بىلتىر «اۋىل» پارتيياسى, فاريد ەبيتاەۆ جەنە مايلى داقىلداردىڭ تەجٸريبە شارۋاشىلىعى «جاڭا قازاقستانعا جاڭا اۋىل» باعدارلاماسى اياسىندا شقو-نىڭ شالعاي اۋداندارىندا مدتش ەسەبٸنەن جاڭا جەرلەردٸ يگەرۋگە, شاعىن شارۋا قوجالىقتارىنىڭ كٸرٸسٸن ارتتىرۋعا جاقسى مٷمكٸندٸك بەرەتٸن, تاۋار ٶندٸرۋشٸلەر ٷشٸن تەگٸن مايلى داقىلداردىڭ كٷنباعىس گيبريدٸن ەكتٸ.
كانديدات جيگۋلي دايراباەۆ پارتييالاستارىمەن, مدتش ەڭبەك ۇجىمىمەن كەزدەسۋ بارىسىندا تەجٸريبەلٸك القاپتاردى ارالاپ, سايلاۋالدى باعدارلاماسىمەن بٶلٸستٸ, ەلٸمٸزدٸ اگرارلىق دەرجاۆاعا اينالدىرۋ ٷشٸن قورعا وسىنداي جاقسى تۇقىمدار قاجەت ەكەنٸن ايتتى. بٷگٸندە قازاقستاندا جەتٸسپەيتٸن تۇقىم شارۋاشىلىعىن دامىتۋدىڭ ٶتە ماڭىزدى ەكەندٸگٸنە توقتالدى. مۇندا فاريد ەبيتاەۆتىڭ تەجٸريبەسٸ, مدتش نەگٸز رەتٸندە الىنۋى كەرەك. ولار قولداناتىن تەحنولوگييالاردان توپىراق ساپاسى ايتارلىقتاي جاقسارتاتىنىنا كٶز جەتتٸ. ال بٷگٸندە قازاقستاندا قولدانىلاتىن تەحنولوگييا توپىراق ساپاسىن جاقسارتپايدى, تەك ساقتايدى. 5-10 القاپتى اۋىسپالى ەگٸستٸگٸ بار مدتش تەجٸريبە القاپتارىنداعى توپىراق قۇرىلىمىنىڭ جىلدان جىلعا جاقسارىپ كەلە جاتقانى بٸردەن بايقالادى.
كانديدات بۇدان كەيٸن جەرگٸلٸكتٸ گولشتين تۇقىمى ٶسٸرٸلەتٸن, جوعارى ٶنٸمدٸلٸگٸمەن تانىمال سٷت جەنە مال شارۋاشىلىعى كەشەنٸنە باردى. ۇجىم جوعارى كٶرسەتكٸشكە ساپالى مەنەدجمەنت پەن جاقسى جەم-شٶپ بازاسى ارقاسىندا جەتٸپ وتىر. مۇندا قىزمەتكەرلەر تۇراقتى جالاقىمەن قامتاماسىز ەتٸلگەن. مدتش «سولنەچنىي» كەنتٸندەگٸ اۋىل تۇرعىندارىنا قاشاندا قامقور. شارۋاشىلىق ٶز قىزمەتكەرلەرٸ ٷشٸن جاقسى, زاماناۋي ٷيلەر سالىپ, ولاردى تۇرعىن ٷيمەن قامتاماسىز ەتۋدە. تابىستى فەرمەرلٸك اۋىلدىڭ دامۋىنا, جەرگٸلٸكتٸ اۋىل تۇرعىندارى ەل-اۋقاتىنىڭ ارتۋىنا وسىلاي سەپ بولىپ وتىر.
