QR Prezidenttigine kandidat Jigýli Dairabaev búgin Farid Ábitaev basqaratyn maily daqyldardyń tájiribe sharýashylyǵy qyzmetkerlerimen kezdesti, dep habarlaidy "Ult aqparat" «Aýyl» HDPP Baspasóz qyzmetine silteme jasap.
Ujym búginde sút óndirý jáne ósimdik sharýashylyǵy boiynsha respýblikada óte joǵary kórsetkishke ie. Maily daqyldardyń tuqym sharýashylyǵy salasynda jetekshi orynda. Óz selektsiiasyn júrgizetin zamanaýi tájiribe jasaý alqaptary bar. Byltyr «Aýyl» partiiasy, Farid Ábitaev jáne maily daqyldardyń tájiribe sharýashylyǵy «Jańa Qazaqstanǵa jańa aýyl» baǵdarlamasy aiasynda ShQO-nyń shalǵai aýdandarynda MDTSh esebinen jańa jerlerdi igerýge, shaǵyn sharýa qojalyqtarynyń kirisin arttyrýǵa jaqsy múmkindik beretin, taýar óndirýshiler úshin tegin maily daqyldardyń kúnbaǵys gibridin ekti.
Kandidat Jigýli Dairabaev partiialastarymen, MDTSh eńbek ujymymen kezdesý barysynda tájiribelik alqaptardy aralap, sailaýaldy baǵdarlamasymen bólisti, elimizdi agrarlyq derjavaǵa ainaldyrý úshin qorǵa osyndai jaqsy tuqymdar qajet ekenin aitty. Búginde Qazaqstanda jetispeitin tuqym sharýashylyǵyn damytýdyń óte mańyzdy ekendigine toqtaldy. Munda Farid Ábitaevtyń tájiribesi, MDTSh negiz retinde alynýy kerek. Olar qoldanatyn tehnologiialardan topyraq sapasy aitarlyqtai jaqsartatynyna kóz jetti. Al búginde Qazaqstanda qoldanylatyn tehnologiia topyraq sapasyn jaqsartpaidy, tek saqtaidy. 5-10 alqapty aýyspaly egistigi bar MDTSh tájiribe alqaptaryndaǵy topyraq qurylymynyń jyldan jylǵa jaqsaryp kele jatqany birden baiqalady.
Kandidat budan keiin jergilikti golshtin tuqymy ósiriletin, joǵary ónimdiligimen tanymal sút jáne mal sharýashylyǵy keshenine bardy. Ujym joǵary kórsetkishke sapaly menedjment pen jaqsy jem-shóp bazasy arqasynda jetip otyr. Munda qyzmetkerler turaqty jalaqymen qamtamasyz etilgen. MDTSh «Solnechnyi» kentindegi aýyl turǵyndaryna qashanda qamqor. Sharýashylyq óz qyzmetkerleri úshin jaqsy, zamanaýi úiler salyp, olardy turǵyn úimen qamtamasyz etýde. Tabysty fermerlik aýyldyń damýyna, jergilikti aýyl turǵyndary ál-aýqatynyń artýyna osylai sep bolyp otyr.
