جەزقازعان قالاسىندا اڭىز تۇلعا, جىراۋ, كٷشٸ, قولباسشى كەتبۇقا باباعا ەسكەرتكٸش ورناتىلدى. بۇل تۋرالى جەرگٸلٸكتٸ «سارىارقا» گازەتٸ حابارلادى.
وكتيابر سەكەمانوۆتىڭ جەتەكشٸلٸگٸمەن, مٷسٸنشٸلەر اسقار نارتوۆ پەن سەرٸك رٷستەمبەكوۆتٸڭ قييالىنان تۋىنداپ, قولدارىمەن سومدالعان مٷسٸن ۇلى جىراۋدىڭ اڭىز بولىپ جەتكەن بەينەسٸن بارىنشا اسقاقتاتىپ تۇر. ەسكەرتكٸشتٸڭ ٶزٸ قولادان قۇيىلىپ, تۇعىرى گرانيتپەن قاپتالعان. جالپى بيٸكتٸگٸ - 10,5 مەتر. ەسكەرتكٸشتٸڭ اشىلۋ سالتاناتىنا الىس-جاقىننان كەلگەن حالىق كٶپ بولدى. س. قوجامقۇلوۆ اتىنداعى مۋزىكالىق دراما تەاتر ەرتٸستەرٸنٸڭ كٷشٸمەن قويىلعان كٶرٸنٸس كەتبۇقا بابا ٶمٸرٸنەن سىر شەرتتٸ.
«بٸز تاريحي تۇلعالارىمىزدى تانىماي, دەرٸپتەمەي, ۇلى تاريحىمىزعا ٷڭٸلمەي - العا باسا المايمىز. بۇل تۋرالى ەلباسى دا ٷنەمٸ ايتىپ وتىرادى. ٶيتكەنٸ, 800 جىل بويى ٶزٸنٸڭ لايىقتى باعاسىن الا الماي كەلگەن بابامىزدىڭ ەسكەرتكٸشٸ بٷگٸن ٷلكەن شاھاردىڭ قاق ورتاسىنا ورناتىلدى. كەزٸندە ٶزٸ سان مەرتە جورتقان, ٸزٸ قالعان ۇلىتاۋ ٶڭٸرٸنە كەتبۇقا تۇلپارىمەن كەلٸپ, تۇعىرعا قونۋى اقىلعا قونىمدى, تاريحي زاڭدىلىق», - دەدٸ وبلىس ەكٸمٸ ەرلان قوشانوۆ ەسكەرتكٸشتٸڭ اشىلۋ سالتاناتىندا.
وبلىس باسشىسى ٶز سٶزٸندە بۇرىن كەتبۇقا ەسٸمٸن كٶپشٸلك كٷيشٸ عانا رەتٸندە بٸلەتٸنٸن, ال بٷگٸن زەرتتەۋشٸلەر بابامىزدىڭ جىراۋ, اقىن, بي, شەشەن, باتىر بولعانىن دەلەلدەپ وتىرعانىن جەتكٸزدٸ. «قازاقمىس» كورپوراتسيياسى» جشس باسقارۋ كەڭەسٸنٸڭ باس ديرەكتورى باقتييار ەبدٸراحمانۇلى, قازاقستاننىڭ حالىق قاھارمانى مۇحتار التىنباەۆ جەرلەستەرٸن بابا ەسكەرتكٸشٸنٸڭ اشىلۋىمەن قۇتتىقتادى.
