اۋىل شارۋاشىلىعى مينيسترلٸگٸ شارۋالاردىڭ جٷرٸپ-تۇرۋ الگوريتمٸن ەزٸرلەدٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين باسپاسٶز كونفەرەنتسيياسىندا ايتىلدى, دەپ حابارلايدى قازاقپارات.
«مەملەكەت باسشىسى كٶكتەمگٸ دالا جۇمىستارىن وڭتايلى مەرزٸمدە جٷرگٸزۋ ٷشٸن جاعداي جاساۋدى تاپسىردى. بۇل تاپسىرمانىڭ ورىندالۋى مينيسترلٸك, ەكٸمدٸك دەڭگەيٸندە جٷزەگە اسىرىلۋدا. كارانتينگە قاراماستان, اۋىل شارۋاشىلىعى تاۋار ٶندٸرۋشٸلەرٸ كٶكتەمگٸ دالا جۇمىستارىنىڭ مەرزٸمٸن ساقتاۋدا. ەگٸس ناۋقانى بٷگٸندە جەتٸ ٶڭٸردە جٷرگٸزٸلۋدە. ەلٸمٸزدٸڭ وڭتٷستٸك ٶڭٸرلەرٸندە جازعى ەگٸس القابى - 16%-دان 80%-عا دەيٸن. جامبىل وبلىسىندا - 326 000 گا, الماتى وبلىسىندا - 239 000 گا, تٷركٸستان وبلىسىندا - 230 000 گا, قىزىلوردا وبلىسىندا - 28 000 گا ەگٸس القابى بار, ال ٶزگە ٶڭٸرلەردە ەگٸس جۇمىستارى باستالۋ ساتىسىندا تۇر», - دەيدٸ قر اۋىل شارۋاشىلىعىنىڭ بٸرٸنشٸ ۆيتسە-مينيسترٸ ايداربەك ساپاروۆ.
ونىڭ ايتۋىنشا, باتىس قازاقستان, پاۆلودار جەنە اتىراۋ وبلىستارى ەگٸن ەگۋدٸ باستادى.
«24 سەۋٸردەگٸ جاعداي بويىنشا رەسپۋبليكانىڭ قالعان ٶڭٸرلەرٸندە ەگٸس الدىنداعى جۇمىستار جٷرگٸزٸلۋدە. ٶڭٸرلەر ارزانداتىلعان جانار-جاعارمايمەن, تۇقىممەن جەنە تىڭايتقىشپەن قامتاماسىز ەتٸلگەن. تەحنيكا دايىن. ەگٸس جۇمىستارى بۇرىن سوڭدى بولماعان كارانتين جاعدايىندا ٶتكٸزٸلٸپ جاتىر. ازاماتتاردىڭ جٷرٸپ-تۇرۋىن شەكتەۋگە بايلانىستى بلوكپوستتان ٶتۋ قيىندىعىنا قاتىستى فەرمەرلەردەن كٶپتەگەن شاعىم كەلٸپ تٷستٸ. اۋىل شارۋاشىلىعى مينيسترلٸگٸ شارۋالاردىڭ جٷرٸپ-تۇرۋ الگوريتمٸن ەزٸرلەدٸ. ول مەملەكەتتٸك كوميسسييانىڭ 17 سەۋٸردەگٸ وتىرىسىندا ماقۇلداندى. بۇل الگوريتم ەكٸمدەرگە جەتكٸزٸلدٸ», - دەيدٸ ول.
