توكيو وليمپياداسىنىڭ قولا جٷلدەگەرٸ سەكەن بيبوسىنوۆتى تٷركٸستاندىق جانكٷيەرلەرٸ تٷركٸستان قالاسىنداعى حالىقارالىق ەۋەجايدان كٷتٸپ الدى, دەپ حابارلايدى "ۇلت اقپارات".
توكيو تٶرٸندە ٶتكەن دودادا ەلەمنٸڭ ەڭ ٷزدٸك بوكسشىلارىمەن تايتالاسىپ, الاشتىڭ مەرەيٸن اسىرعان جەرلەسٸمٸزدٸ وبلىس ەكٸمٸ ٶمٸرزاق شٶكەەۆ, تٷركٸستان جاستارى, سپورتشىنىڭ ەرٸپتەستەرٸ, تۋعان-تۋىستارى مەن دوستارى قارسى الدى. قازاقستاننىڭ ابىرويىن اسقاقتاتقان بوكسشىعا تٷركٸستان وبلىسىنىڭ كەسٸپكەرلەرٸ تەمٸر تۇلپار مٸنگٸزدٸ.
«تٷركٸستان وبلىسىنىڭ تاريحىندا العاشقى وليمپيادا مەدالٸن ۇتىپ العان سەكەن ٶزٸن ٷزدٸك سپورتشى ەكەنٸن كٶرسەتتٸ. وعان بارلىعىمىز جانكٷيەر بولدىق, كۋە بولدىق. بۇل التىنعا بەرگٸسٸز قولا جٷلدە بولدى. بٸزگە ٷلكەن مەرتەبە. تٷركٸستان وبلىسىنىڭ بارلىق سپورتشىلارىنا جەڭٸس تۇعىرىنان كٶرٸنۋگە تٸلەكتەسپٸز», - دەدٸ وبلىس ەكٸمٸ.
بوكستان توكيو وليمپياداسىندا 52 كەلٸ سالماق دەرەجەسٸندە سىنعا تٷسكەن 24 جاستاعى سپورتشى جارتىلاي فينالدىق جەكپە-جەكتە ۇلىبريتانييا سپورتشىسى گالال يافايمەن كەزدەسٸپ, وليمپيادانىڭ قولا جٷلدەگەرٸ اتاندى.
«مەنٸ قولداعان بارشا قازاق ەلٸنە, حالقىما شەكسٸز العىسىمدى ايتامىن. ەرينە, نەگٸزگٸ ماقساتىمىز التىن بولعان. بۇيىرعانى وسى بولدى. اللاعا شٷكٸر دەيمٸن. قازاقتىڭ اتىن ەلەمگە تانىتۋ ٷشٸن الداعى ۋاقىتتا دا بار كٷش-جٸگەرٸمدٸ سالۋعا ۋەدە بەرەمٸن», - دەدٸ توكيو وليمپياداسىنىڭ قولا جٷلدەگەرٸ سەكەن بيبوسىنوۆ.
سەكەن بيبوسىنوۆ - تٷركٸستان وبلىسى, سايرام اۋدانىنىڭ تۇرعىنى. وتباسىنداعى ٷش ۇلدىڭ كەنجەسٸ.
جاسىنان سپورتقا جاقىن بولعان. الدىمەن فۋتبولمەن شۇعىلدانىپ, كەيٸن ٷلكەن اعاسىنىڭ ارتىنان ەرٸپ, بوكسقا كەلگەن.
ۇلتتىق قۇراما مٷشەسٸ. ەلەم چەمپيوناتى مەن ازييا چەمپيوناتىنىڭ قولا جٷلدەگەرٸ. وتانداسىمىز توكيو تٶرٸندە 4 كەزدەسۋ ٶتكٸزدٸ.
ول پۋەرتو-ريكا, فرانتسييا, يسپانييا بوكسشىلارىن جەڭدٸ. جالپى تٷركٸستان وبلىسىنان توكيو وليمپياداسىنا 5 سپورتشى اتتانعان بولاتىن.
سونىڭ بٸرٸ - سەكەن بيبوسىنوۆ قولا مەدالگە يە بولىپ, سەنٸمدٸ اقتادى.
