ازاماتتارمىزدى كٶپتەن مازالاپ جٷرگەن جەر مەسەلەسٸ بويىنشا دا ناقتى جاۋاپ رەتٸندە قازاقتىڭ جەرٸ ەشبٸر شەتەلدٸكتٸڭ مەنشٸگٸنە بەرٸلمەيتٸنٸ, ەشقاشان ساتىلمايتىنى پرەزيدەنتتٸڭ «تەۋەلسٸزدٸك بەرٸنەن قىمبات» اتتى ماقالاسىندا تاعى دا راستالدى. قر پرەزيدەنتٸنٸڭ جانىنداعى قازاقستان ستراتەگييالىق زەرتتەۋلەر ينستيتۋتى ەلەۋمەتتٸك-ساياسي زەرتتەۋلەر بٶلٸمٸنٸڭ جەتەكشٸ عىلىمي قىزمەتكەرٸ مەدينا بەكتەنوۆا وسىلاي مەلٸم ەتتٸ, دەپ حابارلايدى قازاقپارات.
«2021 جىلى ەلٸمٸز قاسيەتتٸ تەۋەلسٸزدٸگٸنٸڭ 30 جىلدىعىنا نىق قادام باستى. تەۋەلسٸزدٸكتٸڭ 30 جىلدىعى – بۇل حالقىمىزدىڭ ماڭداي تەرٸمەن جەتكەن جەتٸستٸكتەرٸنٸڭ رەمٸزٸ, سونىمەن بٸرگە - جاڭا تاريحي سىن. وسى ۋاقىت ٸشٸندە حالىقتىڭ ەركٸن ساناسى قالىپتاسىپ, ەگەمەن ەلدٸڭ جاڭا دا جاسامپاز ۇرپاعى ٶستٸ. قازاقستان ەلەمدە مەرتەبەلٸ مەملەكەت رەتٸندە ورنىقتى. ەرينە, بۇل ۋاقىت ٸشٸندە ماقتانۋعا تۇراتىن, مەملەكەتتٸگٸمٸزدٸ نىعايتىپ, بٷكٸل ەلەمگە پاش ەتۋگە لايىقتى تالاي اۋقىمدى ٸستەر جاسالدى. دەگەنمەن, تەۋەلسٸزدٸك وسى وتىز جىلمەن شەكتەلمەيدٸ. وعان جەتۋدٸڭ تاريحى, قازاعىمىزدىڭ كٶرگەن قاسٸرەتٸ بٸر جاعىندا تۇرسا, ەكٸنشٸ جاعىندا ەلدٸگٸمٸزدٸ, ەگەمەندٸگٸمٸزدٸ ساقتاپ, ونى كەلەشەك ۇرپاق ٷشٸن نىعايتۋ ٸسٸنٸڭ تۇرعانى سٶزسٸز», - دەيدٸ مەدينا بەكتەنوۆا.
ونىڭ ايتۋىنشا, مەملەكەت باسشىسى قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا تەۋەلسٸزدٸكتٸڭ قادٸرٸ مەن قۇندىلىعىن, ونى ساقتاۋداعى باعدار-بەلەستەردٸ ايقىنداپ بەرگەن.
«پرەزيدەنت مەملەكەتٸمٸزدٸڭ وتىز جىلدا ٶتكەرگەن بەلەستەردٸ تٸزگٸندەپ, ولاردىڭ ەرقايسىسى اتقارعان ميسسيياسى تۇرعىسىنان عاسىردىڭ جٷگٸن ارقالاپ تۇرعانىنا نازار اۋداردى. «كٶرەگەن باسشى ەلدٸ ٶسٸرەدٸ» دەمەكشٸ, قازاقستاننىڭ مەملەكەت بولىپ, كەرەگەسٸنٸڭ كەڭەيۋٸ جولىنداعى ەلباسىنىڭ دارا كٶشباسشىلىعىنىڭ ماڭىزىنا ايىرىقشا توقتالدى.
سونىمەن قاتار مەملەكەت باسشىسى سوڭعى ۋاقىتتا اۋماقتىق تۇتاستىعىمىزعا كٷمەن كەلتٸرٸپ, تاتۋ كٶرشٸلٸك قاتىناستارعا سىنا قاققىسى كەلەتٸن كەيبٸر شەتەل ازاماتتارىنىڭ ارانداتۋشىلىق ٸس-ەرەكەتتەرٸنە دە جاۋاپ بەرە وتىرىپ, بٸزدٸڭ ەكٸجاقتى كەلٸسٸمدەرمەن بەكٸتٸلٸپ, حالىقارالىق دەڭگەيدە تانىلعان شەكارامىزدىڭ بار ەكەنٸن باسا ايتتى. تٸپتٸ, 2018 جىلى كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسيياعا قول قويىلعاننان كەيٸن قۇرلىقتاعى عانا ەمەس, تەڭٸزدەگٸ شەكارامىز دا بٸرجولا ايقىندالىپ, تٷپكٸلٸكتٸ شەشٸلگەنٸ دە بەلگٸلٸ. سونداي-اق ازاماتتارمىزدى كٶپتەن مازالاپ جٷرگەن جەر مەسەلەسٸ بويىنشا دا ناقتى جاۋاپ رەتٸندە قازاقتىڭ جەرٸ ەشبٸر شەتەلدٸكتٸڭ مەنشٸگٸنە بەرٸلمەيتٸنٸ, ەشقاشان ساتىلمايتىنى پرەزيدەنتتٸڭ ماقالاسىندا تاعى دا راستالدى», - دەدٸ مەدينا بەكتەنوۆا.
ونىڭ پٸكٸرٸنشە, بٸرلٸكتٸ ەل بۇزىلماس, سوندىقتان مەملەكەتٸمٸزدٸ بٸرتۇتاس دەپ بٸلۋٸمٸز جەنە تانىتۋىمىز قاجەت.
«ول ٷشٸن ايماقتارىمىزدى سولتٷستٸك, وڭتٷستٸك, باتىس, شىعىس دەپ بٶلە بەرمەي, تاريحي, مەدەني ماڭىزدى اتاۋلاردى ەنگٸزۋ دە ماڭىزدى. ەرينە, ونى مەملەكەت باسشىسى ايتقانداي, بايىپپەن, ويلانىپ جٷزەگە اسىرۋ كەرەك.
ەر قازاق ٷشٸن اتالارىمىزدىڭ قانى مەن تەرٸ تامعان بٸر ۋىس توپىراقتىڭ ٶزٸ – ەسەبٸ جوق بايلىق. الايدا بۇل جەردٸ دۇرىس پايدالانۋ, قادٸرٸن بٸلٸپ قاستەرلەۋ, شىنايى وتانسٷيگٸشتٸكتٸ قالىپتاستىرۋ – كەزەك كٷتتٸرمەيتٸن ٷلكەن جۇمىس. جاھاندانۋ مەن اقپاراتتىق دامۋ زامانىندا ەلدٸڭ جات جۇرتتىڭ يدەولوگييالىق ىقپالىنا تەز ٸلەسٸپ كەتۋٸ بەلەڭ الۋدا. ەسٸرەسە جاستار بۇل قاۋٸپتٸڭ الدىندا تۇرعانى انىق. بۇعان تٶتەپ بەرۋدٸڭ جولى – جاڭا زامانعا ساي بٸلٸم مەن بەسەكەگە قابٸلەتتٸلٸكتٸ, ارتىقشىلىقتاردى بويعا سٸڭٸرۋمەن قاتار, تامىرىمىزدى, ۇلتتىق بولمىسىمىزدى بەرٸك ساقتاۋ كەرەك», - دەدٸ مەدينا بەكتەنوۆا.
جەتەكشٸ عىلىمي قىزمەتكەردٸڭ ايتۋىنشا, الداعى تٶرتٸنشٸ ونجىلدىقتىڭ بٸزگە جٷكتەيتٸن مٸندەتٸ – قۋاتتى ەلدٸڭ يەسٸ جەنە كەمەل حالىق بولۋ. بۇل جولدا ساياسي-ەكونوميكالىق رەفورمالاردى جەنە سانانى جاڭعىرتۋ ٷدەرٸسٸن جالعاستىرىپ, زامان تالابىنا بەيٸمدەلگەن ۇلتتىڭ جاڭا بولمىسىن قالىپتاستىرۋىمىز قاجەت.
«ۇلتتىڭ جاڭا بولمىسى ٶتكەندٸ بٸلۋدەن, دەرٸپتەۋدەن باستالادى. تەۋەلسٸزدٸك قۇندىلىعى حالقىمىزدىڭ جادىندا مەڭگٸ ساقتالۋى ٷشٸن ٶسكەلەڭ ۇرپاق ونىڭ قادٸرٸن بٸلۋٸ كەرەك. بۇل رەتتە, تاريحي جادىنىڭ ورنى ەرەكشە. تەۋەلسٸزدٸگٸمٸزدٸڭ 30-جىلدىعىمەن قاتار, بۇل ەگەمەندٸككە جەتكٸزگەن قايعى-قاسٸرەتكە تولى تاريحي وقيعالاردى ۇمىتپاعان جٶن. ميلليونداعان ادامدى قازاعا ۇشىراتىپ, تٸرٸ قالعانىن جان ساۋعالاپ بوسىپ كەتۋگە مەجبٷر ەتكەن الاپات اشارشىلىقتىڭ العاشقى كەزەڭٸ – 1921-1922 جىلدارداعى نەۋبەتتەن بەرٸ 100 جىل ٶتتٸ. 1986 جىلى ۇل-قىزدارىمىزدى سوۆەت وداعىنىڭ قاھارىنان قايمىقپاي, ۇلت نامىسى ٷشٸن الاڭعا شىعارعان جەلتوقسان وقيعاسىنا دا 35 جىل تولادى. بۇنىڭ بەرٸ بٸزدٸڭ تاريح. مەملەكەتتٸلٸگٸمٸز تۋرالى تٸس جارىپ وتىرعانداردىڭ اۋزىنا قۇم قۇيۋ ٷشٸن مىڭداعان عاسىرلارعا سوزىلعان تاريحىمىزدىڭ, ەلەمنٸڭ جارتىسىنا يە بولعان الىپ مەملەكەتتٸك قۇرىلىستىڭ, ازاتتىق ٷشٸن سوعىستاردىڭ, باتىرلار جىرلارىن, الاش قوزعالىسىنىڭ باعدارلامالارىن, جالپى ۇلت شەجٸرەسٸن جاپپاي قايتا قاراپ, ونى ٶز ەلٸمٸزبەن قاتار بٷكٸل ەلەمگە جاڭا اقپاراتتىق تەتٸكتەر ارقىلى پاش ەتۋ – ماڭىزدى مٸندەت», - دەيدٸ جەتەكشٸ عىلىمي قىزمەتكەرٸ.
سونىمەن قاتار, تامىرىمىزدى, ۇلتتىق بولمىسىمىزدى بەرٸك ساقتاۋ كەرەك», - دەدٸ مەدينا بەكتەنوۆا ەل بٸرلٸگٸنٸڭ, ۇلت نامىسىنىڭ اجىراماس بٶلٸگٸ – ول تٸل ەكەنٸن اتاپ ٶتتٸ.
«مەملەكەت باسشىسى قازاق تٸلٸنٸڭ مەرتەبەسٸن ەرەكشە ايتىپ, مەملەكەتتٸك تٸلدٸ كٶپشٸلٸكتٸڭ ٷيرەنۋٸ جٶنٸندەگٸ ٶز ٷندەۋٸن ناقتى جەتكٸزدٸ. مەملەكەتتٸك تٸلدٸ بٸلۋ - ەر ازامات ٷشٸن پارىز. ول ٷشٸن ەلدە بارلىق جاعداي جاسالۋدا, قالعانى ەر ادامنىڭ ٶز نيەتٸندە. نيەتتٸڭ دۇرىس بولۋى قازاق تٸلٸن مەڭگەرگٸسٸ كەلەتٸن ادامدارعا دا, وسى ماقساتقا جەتۋگە جاعداي جاسايتىن ٷكٸمەتكە دە بايلانىستى.
قازاقستاننىڭ اسقاق بولاشاعى ٷشٸن ەلدٸك ساياسات, جاسامپاز پاتريوتيزم, مەملەكەتتٸڭ يگٸلٸگٸ ٷشٸن كٷندەلٸكتٸ ەڭبەك پەن ۇلت بٸرلٸگٸ ٶتە ماڭىزدى», - دەدٸ ول.
