قازاقستانداعى جەر قويناۋىن پايدالانۋشىلارعا ارنالعان العاشقى ونلاين-اۋكتسيوننان 61 ملرد تەڭگە تٷستٸ.
قازاقستاندا كٶمٸرسۋتەكتەردٸ بارلاۋ جەنە ٶندٸرۋ قۇقىعىنا ارنالعان العاشقى ونلاين اۋكتسيوندار ٶتتٸ, دەپ حابارلايدى قر ەنەرگەتيكا مينيسترلٸگٸنٸڭ باسپاسٶز قىزمەتٸ.
ساۋدا-ساتتىق استانا ۋاقىتىمەن 10:00-دە باستالدى, ال قاتىسۋشىلار ٷشٸن اۋكتسيون زالىنا كٸرۋ تاڭعى 9-دان باستاپ قول مٷمكٸن بولدى.
جالپى العاندا, اۋكتسيونداردا جەتٸ ۋچاسكە بويىنشا بارلاۋ جەنە ٶندٸرۋ قۇقىعى ٸسكە اسىرىلدى. ولار بويىنشا باستاپقى باعا 263 ميلليون تەڭگەنٸ قۇرادى. ول نەتيجەسٸندە 230 ەسەگە ارتىپ, 61 ميللياردقا دەيٸن ٶستٸ. بٸر ۋچاسكە بويىنشا باستاپقى قۇنى 1000 ەسەگە ٶستٸ.
ەڭ ۇزاق ساۋدا-ساتتىق ەكٸ ۋچاسكە – «زابۋرۋنە» جەنە «سارايشىق» ۋچاسكەلەرٸ بويىنشا ٶتتٸ. وسى ەكٸ ۋچاسكە بويىنشا اۋكتسيوندار تاڭعى 10:00-دە باستالىپ, كەشكە دەيٸن جالعاستى. نەتيجەسٸندە «زابۋرۋنە» ۋچاسكەسٸنە بارلاۋ جەنە ٶندٸرۋ قۇقىعى 16,3 ميلليارد تەڭگەگە ساتىلدى, ول بويىنشا اۋكتسيون ساعات 15:20-دا اياقتالدى.
«سارايشىق» ۋچاسكەسٸ بويىنشا اۋكتسيون رەسمي اياقتالعانعا دەيٸن, ياعني ساعات 17:00-گە دەيٸن جالعاستى. ۋچاسكەدەگٸ بارلاۋ جەنە ٶندٸرۋ قۇقىعىنىڭ جالپى قۇنى 43 ملرد. تەڭگەنٸ قۇرادى. بۇل رەتتە, باستاپقى باعاسى 43 ملن. تەڭگە بولاتىن.
اۋكتسيون ارقىلى جەرگە مەنشٸك قۇقىعى ەمەس, جەر قويناۋىن پايدالانۋ قۇقىعى بەرٸلەتٸنٸن اتاپ ٶتۋ ماڭىزدى. بۇل قۇقىق «جەر قويناۋى جەنە جەر قويناۋىن پايدالانۋ» كودەكسٸمەن رەتتەلەدٸ, ۋچاسكەلەردەگٸ كەز كەلگەن تەحنولوگييالىق پروتسەستەر قر ەنەرگەتيكا مينيسترلٸگٸ جانىنداعى بارلاۋ جەنە يگەرۋ جٶنٸندەگٸ ورتالىق كوميسسييادا قارالادى.
جەر قويناۋىن پايدالانۋ قۇقىعىن العان ينۆەستور جەرگٸلٸكتٸ اتقارۋشى ورگانمەن جەردٸ جالداۋ تۋرالى شارتقا قول قويادى. جوبالاۋ قۇجاتىن ەزٸرلەۋ الدىندا ەربٸر جەر قويناۋىن پايدالانۋشى جەرگٸلٸكتٸ تۇرعىنداردىڭ قاتىسۋىمەن قوعامدىق تىڭداۋلار ٶتكٸزۋگە مٸندەتتٸ.
اۋكتسيوندار ونلاين رەجيمٸندە جەنە جاسىرىن ٶتەتٸندٸكتەن, قاتىسۋشىلار بٸر-بٸرٸن كٶرمەيدٸ. بۇل اقپارات وسى اۋكتسيونداردىڭ ٶتكٸزٸلۋٸنە جەتەكشٸلٸك ەتەتٸن قر ەنەرگەتيكا مينيسترلٸگٸنٸڭ ماماندارى ٷشٸن دە قول جەتٸمدٸ ەمەس.
ونلاين اۋكتسيون قىزمەتٸ 2020 جىلدىڭ 1 قىركٷيەگٸندە مەملەكەتتٸك مٷلٸك تٸزٸلٸمٸنٸڭ www.gosreestr.kz پورتالىندا ٸسكە قوسىلدى, ونىڭ ەزٸرلەۋشٸسٸ جەنە يەسٸ «اقپاراتتىق-ەسەپتەۋ ورتالىعى» اق.
ساراپشىلار جاڭا تەتٸك نارىقتى اشىق ەتٸپ, بيزنەس ٷشٸن دە, مەملەكەت ٷشٸن دە شىعىنداردى ايتارلىقتاي ازايتادى دەپ بولجايدى.
بٷگٸن 82 ۋچاسكە تۋرالى اقپاراتتى قامتيتىن ينتەراكتيۆتٸ كارتا بارلىعىنا دا قولجەتٸمدٸ. وبەكتٸلەردٸڭ ەرقايسىسى بويىنشا اۋكتسيونعا باستاماشىلىق جاساۋ ٷشٸن ەلەۋەتتٸ ينۆەستورعا تەك ونلاين رەجيمٸندە ٶتٸنٸم بەرۋ قاجەت, سودان كەيٸن كەن ورنىن بارلاۋ جەنە يگەرۋ قۇقىعىن اۋكتسيونعا شىعارۋ پروتسەسٸ باستالادى.
«اۋكتسيوننىڭ بارىسىن كەز كەلگەن ادام باقىلاي الادى. وپەراتور, ياعني «اقپاراتتىق-ەسەپتەۋ ورتالىعى» اق, قازاقستان رەسپۋبليكاسى ەنەرگەتيكا مينيسترلٸگٸنٸڭ تاپسىرىسى بويىنشا جەكە اشىق اۋكتسيون زالىن قۇردى. اۋكتسيوننان تٷسكەن بارلىق قاراجات مەملەكەتتٸك بيۋدجەتتٸ تولتىرادى», - دەلٸنگەن حابارلامادا.
