«استانا موتورس» كومپانيياسىنىڭ باس ديرەكتورى بەكنۇر نەسٸپباەۆ بيىل شامامەن 15-17 مىڭ قازاقستاندىق جەڭٸلدەتٸلگەن اۆتونەسيە بويىنشا كٶلٸك ساتىپ الا الاتىنىن ايتتى, دەپ حابارلايدى قازاقپارات.
«الدىن الا بولجام بويىنشا, بيىل جەڭٸلدەتٸلگەن اۆتونەسيەمەن 15-17 مىڭ ادام كٶلٸك ساتىپ الادى», - دەپ جاۋاپ بەردٸ بەكنۇر نەسٸپباەۆ باسپاسٶز مەسليحاتىندا.
قازاقستان اۆتوموبيل بيزنەسٸ قاۋىمداستىعىنىڭ ستراتەگييالىق دامۋ جٶنٸندەگٸ ديرەكتورى قايرات ەلامانوۆ جەڭٸلدەتٸلگەن اۆتوكٶلٸك نەسيەلەرٸنە قاراجى قالاي بٶلٸنەتٸنٸنە دە بايلانىستى ەكەنٸن ايتتى.
«مۇندا ەكٸ مٷمكٸندٸك بار. بٸرٸنشٸسٸ قازٸر جٷزەگە اسىرىلىپ جاتقان باعدارلاماعا ۇقساس. ياعني, بٷكٸل نەسيەنٸ قارجىلاندىرۋ نەمەسە ەكٸنشٸ نۇسقا – پايىزدىق مٶلشەرلەمەنٸ سۋبسيدييالاۋ. سۋبسيدييالانعان پايىزدىق مٶلشەرلەمە تٶمەن بولسا, كٶلٸكتەر سانى دا كٶپ بولۋى مٷمكٸن», - دەدٸ ول.
قازاقستان اۆتوبيزنەس قاۋىمداستىعىنىڭ ۆيتسە-پرەزيدەنتٸ انار ماقاشەۆا جەڭٸلدەتٸلگەن نەسيە بەرۋ باعدارلاماسىنىڭ تەتٸگٸن تٷسٸندٸردٸ.
«جەڭٸلدەتٸلگەن باعدارلاما بويىنشا قاراجات الۋدىڭ ەكٸ نۇسقاسى ۇسىنىلادى. بٸرٸنشٸ نۇسقانى ٷكٸمەت جارييالادى – «روپ وپەراتور» اقشاسى وسى باعدارلاماعا 100 ملرد تەڭگە كٶلەمٸندە باعىتتالادى, ەكٸنشٸسٸ – ەكٸنشٸ دەڭگەيلٸ بانكتەر مەن قر دامۋ بانكٸ ارقىلى دەستٷرلٸ بيۋدجەتتٸك قاراجات بٶلۋ. بۇل بيۋدجەتتٸك نەسيەلەۋ باعدارلاماسى 2016 جىلدان بەرٸ جۇمىس ٸستەپ كەلەدٸ. جالپى, قازاقستان ازاماتتارى ٷشٸن بازالىق پارامەترلەر بٸردەي بولادى. سىياقى مٶلشەرلەمەسٸ - جىلىنا 4%, 5 جىلعا دەيٸن باستاپقى جارناسىز, باعدارلاماعا قازاقستاندا شىعارىلعان بارلىق كٶلٸك قاتىسادى. اۆتوكٶلٸكتٸڭ قۇنىنا ەمەس, نەسيە سوماسىنا شەكتەۋلەر بار. ەربٸر تۇتىنۋشىنىڭ ٶزٸندٸك پارامەترلەرٸ بار. ول كٶلٸكتٸ تاڭداعان كەزدە بانك ونىڭ مٷمكٸندٸكتەرٸنە تيٸستٸ ەسەپ-قيساپ جاسايدى», - دەدٸ انار ماقاشەۆا.
