فوتو: Depositphotos
قازاقستاندا جەڭٸلدەتٸلگەن اۆتونەسيە الۋعا ٶتٸنٸش بەرۋ تەرتٸبٸ ٶزگەرۋٸ مٷمكٸن. بۇل تۋرالى يندۋسترييا جەنە ينفراقۇرىلىمدىق دامۋ مينيسترٸ مارات قاراباەۆ مەلٸمدەدٸ, - دەپ حابارلايدى Tengrinews.kz سايتى.
"بەرٸلەتٸن نەسيە سوماسى 10 ميلليون تەڭگەگە دەيٸن بولۋى تيٸس, اۆتوكٶلٸكتٸڭ قۇنى 15 ميلليون تەڭگەدەن اسپاۋى كەرەك. حالىققا كٶلٸكتەر قولجەتٸمدٸ بولۋى ٷشٸن, بۇل باعدارلامادا قىمبات كٶلٸكتەر بولماۋى قاراستىرىلعان. بٸز باعدارلامانى ايدىڭ اياعىنا دەيٸن باستاۋعا تىرىسامىز", - دەدٸ قاراباەۆ ٷكٸمەت وتىرىسىندا.
ۆەدومستۆو باسشىسىنىڭ ايتۋىنشا, وسى اپتادا ٶنەركەسٸپتٸ دامىتۋ قورى بريفينگ ٶتكٸزەدٸ, وندا باعدارلامانى قايتا باستاۋدىڭ ناقتى كٷنٸ ايتىلادى.
"بۇل جەردە باعدارلامانىڭ تەتٸگٸن قايتا قاراۋ تۋرالى مەسەلە تۇر. ەگەر بۇعان دەيٸن ولار الدىمەن اۆتوسالوندارعا جٷگٸنٸپ, سودان كەيٸن بانككە بارسا, ٶنەركەسٸپتٸ دامىتۋ قورى باسقا مەحانيزمدٸ ۇسىنادى: الدىمەن ٶنەركەسٸپتٸ دامىتۋ قورىنا جٷگٸنەدٸ, وندا ەلەكترون كەزەك بولادى, سودان كەيٸن اۆتوسالونعا بارادى. اۆتوسالوندار ولارمەن كەلٸسٸلگەن بەلگٸلٸ بٸر مەرزٸمدە كٶلٸكتٸ ۇسىنا الۋى ٷشٸن", - دەپ تٷسٸندٸردٸ مينيستر.
جاڭا اۆتوكٶلٸكتەردٸ ۇزاق كٷتۋ تۋرالى ايتا كەلە, قاراباەۆ مۇنداي جاعداي قازاقستاندا عانا ەمەس ەكەنٸن اتاپ ٶتتٸ.
"بۇل كەز كەلگەن ەلدە, تٸپتٸ KIA ٶندٸرٸلەتٸن وڭتٷستٸك كورەيادا بولادى. سونداي-اق, كەي ماركالاردى حالىقتىڭ 2-2,5 جىل كٷتۋٸنە تۋرا كەلەدٸ", - دەدٸ ول.
