Foto: Depositphotos
Qazaqstanda jeńildetilgen avtonesie alýǵa ótinish berý tártibi ózgerýi múmkin. Bul týraly Indýstriia jáne infraqurylymdyq damý ministri Marat Qarabaev málimdedi, - dep habarlaidy Tengrinews.kz saity.
"Beriletin nesie somasy 10 million teńgege deiin bolýy tiis, avtokóliktiń quny 15 million teńgeden aspaýy kerek. Halyqqa kólikter qoljetimdi bolýy úshin, bul baǵdarlamada qymbat kólikter bolmaýy qarastyrylǵan. Biz baǵdarlamany aidyń aiaǵyna deiin bastaýǵa tyrysamyz", - dedi Qarabaev Úkimet otyrysynda.
Vedomstvo basshysynyń aitýynsha, osy aptada Ónerkásipti damytý qory brifing ótkizedi, onda baǵdarlamany qaita bastaýdyń naqty kúni aitylady.
"Bul jerde baǵdarlamanyń tetigin qaita qaraý týraly másele tur. Eger buǵan deiin olar aldymen avtosalondarǵa júginip, sodan keiin bankke barsa, Ónerkásipti damytý qory basqa mehanizmdi usynady: aldymen Ónerkásipti damytý qoryna júginedi, onda elektron kezek bolady, sodan keiin avtosalonǵa barady. Avtosalondar olarmen kelisilgen belgili bir merzimde kólikti usyna alýy úshin", - dep túsindirdi ministr.
Jańa avtokólikterdi uzaq kútý týraly aita kele, Qarabaev mundai jaǵdai Qazaqstanda ǵana emes ekenin atap ótti.
"Bul kez kelgen elde, tipti KIA óndiriletin Ońtústik Koreiada bolady. Sondai-aq, kei markalardy halyqtyń 2-2,5 jyl kútýine týra keledi", - dedi ol.
