فوتو:elements.envato.com
«ٶنەركەسٸپتٸ دامىتۋ قورى» اق («قازاقستاننىڭ دامۋ بانكٸ» اق ەنشٸلەس ۇيىمى) اعىمداعى جىلدىڭ 6 اقپانىندا جەڭٸلدەتٸلگەن اۆتونەسيەلەۋ باعدارلاماسى بويىنشا ٶتٸنٸمدەردٸ قابىلداۋ ٷشٸن پيلوتتىق پلاتفورمانى ٸسكە قوسادى.
ٶتٸنٸمدەردٸ قابىلداۋ استانا ۋاقىتى بويىنشا ساعات 10.00-دە www.autonesie.kz رەسمي سايتىندا ٸسكە قوسىلادى. ٶتٸنٸم بەرۋ ٷشٸن ٶتٸنٸش بەرۋشٸنٸڭ قول استىندا كومپيۋتەرٸ, ەلەكتروندىق-تسيفرلىق قولتاڭباسى (ەتسق), ينتەرنەتٸ بولۋى قاجەت, سونداي-اق اۆتوٶندٸرۋشٸلەردٸ الدىن الا تاڭداۋى شارت. پلاتفورمادا تەك قازاقستان رەسپۋبليكاسىنىڭ اۋماعىندا تٸركەلۋگە بولادى.
سايتتا ٶتٸنٸم بەرگەن كەزدە ٶتٸنٸش بەرۋشٸنٸڭ دەرەكتەرٸ اۆتوماتتى تٷردە ەتسق ارقىلى قالىپتاسادى. ٶتٸنٸش بەرۋشٸ مٸندەتتٸ تٷردە تەك تەلەفون نٶمٸرٸن ەنگٸزٸپ, اۆتوٶندٸرۋشٸنٸ تاڭداپ, ٶتٸنٸمگە قول قويۋى كەرەك. ٶتٸنٸمنٸڭ تٸركەلۋ بارىسىن ٶتٸنٸش بەرۋشٸ سايتتاعى «جەكە كابينەت» ارقىلى تەكسەرە الادى.
ايتا كەتۋ كەرەك, پلاتفورما باعدارلاماعا قاتىسۋشىلاردىڭ پۋلىن قالىپتاستىرادى, ديلەرلٸك ورتالىقتاردا اۆتوكٶلٸكتٸ جەنە باعدارلاماعا قاتىسۋشى بانكتەردە كرەديتتٸ بەرۋ كەزەكتٸلٸگٸن انىقتامايدى. ٶتٸنٸمدٸ بەرگەننەن كەيٸن اۆتوٶندٸرۋشٸنٸ ٶزگەرتۋ مٷمكٸن ەمەس.
ەستەرٸڭٸزگە سالا كەتەيٸك, جەڭٸلدەتٸلگەن اۆتونەسيەلەۋ باعدارلاماسى 2022 جىلدىڭ مامىر ايىندا باستاۋ الدى. ونى ٸسكە اسىرۋ ٷشٸن ەكٸنشٸ دەڭگەيدەگٸ بانكتەرگە («قازاقستان حالىق بانكٸ» اق, «Forte Bank» اق, «بانك تسەنتركرەديت» اق جەنە «ەۋرازييالىق بانك» اق) 100 ملرد تەڭگە بٶلٸندٸ. بۇل قاراجاتقا 12,6 مىڭنان استام اۆتوموبيل ساتىپ الىندى. اۆتوكرەديتتٸڭ ورتاشا مٶلشەرٸ 7,8 ملن تەڭگەنٸ قۇرادى.
بٷگٸنگٸ تاڭدا «ٶنەركەسٸپتٸ دامىتۋ قورى» اق جەلٸسٸ بويىنشا قولدانىستاعى اۆتوكرەديتتەردٸ ٶتەۋدەن جيناقتالعان قاراجات كٶلەمٸ 7,6 ملرد تەڭگەنٸ قۇرايدى. وسى دەرەكتەردٸ ەسكەرە وتىرىپ, پيلوتتىق پلاتفورمانىڭ العاشقى ٸسكە قوسىلۋ بارىسىندا 761 ٶتٸنٸش بەرۋشٸگە دەيٸن تٸركەلە الادى. ٶتٸنٸش بەرۋشٸلەردٸڭ وسى سانىنا جەتكەن كەزدە پلاتفورمادا ٶتٸنٸمدەردٸ قابىلداۋ اۆتوماتتى تٷردە توقتاتىلادى, ال «ٶتٸنٸم بەرۋ» فۋنكتسيياسى بەلسەندٸ بولمايدى.
كەيٸننەن پلاتفورمادا ٶتٸنٸمدەردٸ قابىلداۋ اي سايىن جٷرگٸزٸلەدٸ جەنە 100-دەن استام ٶتٸنٸش بەرۋشٸنٸ تٸركەۋگە مٷمكٸندٸك بەرەدٸ.
ٶتٸنٸم بەرۋشٸنٸڭ ٶتٸنٸمٸ كەلەسٸ جاعدايدا قابىلدانباۋى مٷمكٸن:
1. بۇعان دەيٸن باعدارلاما اياسىندا اۆتونەسيە العان بولسا;
3. پلاتفورمادا ٶزەكتٸ ٶتٸنٸمٸ بولسا.
جەڭٸلدەتٸلگەن اۆتونەسيەلەۋ باعدارلاماسى بويىنشا ٶتٸنٸمدەردٸ قابىلداۋ پلاتفورماسى ٶتٸنٸم بەرۋشٸلەر مەن اۆتوٶندٸرۋشٸلەرگە, سونداي-اق باعدارلاماعا قاتىسۋشى بانكتەرگە ٶتٸنٸمنٸڭ مەرتەبەسٸن ٶتٸنٸم بەرٸلگەن سەتتەن باستاپ اۆتوموبيل بەرٸلگەنگە دەيٸن ونلاين نۇسقادا قاداعالاۋعا, سونداي-اق باعدارلامانى ٸسكە اسىرۋدىڭ اشىقتىعىن قامتاماسىز ەتۋگە مٷمكٸندٸك بەرەدٸ.
جەڭٸلدەتٸلگەن اۆتونەسيەلەۋ باعدارلاماسىنىڭ شارتتارى ٶزگەرٸسسٸز قالادى:
- 1 اۆتوموبيلدٸڭ قۇنى – 15 000 000 (ون بەس ميلليون) تەڭگەدەن اسپايدى;
- قارجىلاندىرۋ سوماسى – 10 000 000 (ون ميلليون) تەڭگەدەن ارتىق ەمەس;
- قارجىلاندىرۋ مەرزٸمٸ – 7 جىلدان اسپايدى;
- باستاپقى جارنا – 0% باستاپ;
- كرەديت بەرۋ ۆاليۋتاسى – تەڭگە;
- سىياقى مٶلشەرلەمەسٸ – جىلدىق 4%, بۇل رەتتە جىلدىق تيٸمدٸ سىياقى مٶلشەرلەمەسٸ تٷپكٸلٸكتٸ قارىز الۋشىنىڭ اۆتوكٶلٸكتٸ ساقتاندىرۋ جەنە رەسٸمدەۋ (ونىڭ ٸشٸندە كەپٸلگە قويۋ) بويىنشا شىعىندارىن ەسكەرە وتىرىپ, جىلدىق 7,5%-دان اسپاۋى تيٸس;
- تٷپكٸلٸكتٸ قارىز الۋشىلار ساقتاندىرۋ جەنە وتاندىق ٶندٸرٸستٸڭ جەڭٸل اۆتوكٶلٸگٸن كەپٸلگە رەسٸمدەۋ بويىنشا شىعىستاردى تٶلەيدٸ.
باعدارلاماعا قاتىساتىن اۆتوٶندٸرۋشٸلەردٸڭ تٸزبەسٸ:
- «سارىارقااۆتوپروم» جشس;
- «HYUNDAI TRANS KAZAKHSTAN» جشس.
