Foto:elements.envato.com
«Ónerkásipti damytý qory» AQ («Qazaqstannyń Damý Banki» AQ enshiles uiymy) aǵymdaǵy jyldyń 6 aqpanynda Jeńildetilgen avtonesieleý baǵdarlamasy boiynsha ótinimderdi qabyldaý úshin pilottyq platformany iske qosady.
Ótinimderdi qabyldaý Astana ýaqyty boiynsha saǵat 10.00-de www.autonesie.kz resmi saitynda iske qosylady. Ótinim berý úshin ótinish berýshiniń qol astynda kompiýteri, elektrondyq-tsifrlyq qoltańbasy (ETsQ), interneti bolýy qajet, sondai-aq avtoóndirýshilerdi aldyn ala tańdaýy shart. Platformada tek Qazaqstan Respýblikasynyń aýmaǵynda tirkelýge bolady.
Saitta ótinim bergen kezde ótinish berýshiniń derekteri avtomatty túrde ETsQ arqyly qalyptasady. Ótinish berýshi mindetti túrde tek telefon nómirin engizip, avtoóndirýshini tańdap, ótinimge qol qoiýy kerek. Ótinimniń tirkelý barysyn Ótinish berýshi saittaǵy «Jeke kabinet» arqyly teksere alady.
Aita ketý kerek, platforma Baǵdarlamaǵa qatysýshylardyń pýlyn qalyptastyrady, Dilerlik ortalyqtarda avtokólikti jáne Baǵdarlamaǵa qatysýshy bankterde kreditti berý kezektiligin anyqtamaidy. Ótinimdi bergennen keiin avtoóndirýshini ózgertý múmkin emes.
Esterińizge sala keteiik, Jeńildetilgen avtonesieleý baǵdarlamasy 2022 jyldyń mamyr aiynda bastaý aldy. Ony iske asyrý úshin ekinshi deńgeidegi bankterge («Qazaqstan Halyq banki» AQ, «Forte Bank» AQ, «Bank TsentrKredit» AQ jáne «Eýraziialyq Bank» AQ) 100 mlrd teńge bólindi. Bul qarajatqa 12,6 myńnan astam avtomobil satyp alyndy. Avtokredittiń ortasha mólsheri 7,8 mln teńgeni qurady.
Búgingi tańda «Ónerkásipti damytý qory» AQ jelisi boiynsha qoldanystaǵy avtokreditterdi óteýden jinaqtalǵan qarajat kólemi 7,6 mlrd teńgeni quraidy. Osy derekterdi eskere otyryp, pilottyq platformanyń alǵashqy iske qosylý barysynda 761 ótinish berýshige deiin tirkele alady. Ótinish berýshilerdiń osy sanyna jetken kezde platformada ótinimderdi qabyldaý avtomatty túrde toqtatylady, al «Ótinim berý» fýnktsiiasy belsendi bolmaidy.
Keiinnen platformada ótinimderdi qabyldaý ai saiyn júrgiziledi jáne 100-den astam ótinish berýshini tirkeýge múmkindik beredi.
Ótinim berýshiniń ótinimi kelesi jaǵdaida qabyldanbaýy múmkin:
1. Buǵan deiin Baǵdarlama aiasynda avtonesie alǵan bolsa;
3. Platformada ózekti ótinimi bolsa.
Jeńildetilgen avtonesieleý baǵdarlamasy boiynsha ótinimderdi qabyldaý platformasy ótinim berýshiler men avtoóndirýshilerge, sondai-aq Baǵdarlamaǵa qatysýshy bankterge ótinimniń mártebesin ótinim berilgen sátten bastap avtomobil berilgenge deiin onlain nusqada qadaǵalaýǵa, sondai-aq Baǵdarlamany iske asyrýdyń ashyqtyǵyn qamtamasyz etýge múmkindik beredi.
Jeńildetilgen avtonesieleý baǵdarlamasynyń sharttary ózgerissiz qalady:
- 1 avtomobildiń quny – 15 000 000 (on bes million) teńgeden aspaidy;
- qarjylandyrý somasy – 10 000 000 (on million) teńgeden artyq emes;
- qarjylandyrý merzimi – 7 jyldan aspaidy;
- bastapqy jarna – 0% bastap;
- kredit berý valiýtasy – teńge;
- syiaqy mólsherlemesi – jyldyq 4%, bul rette jyldyq tiimdi syiaqy mólsherlemesi túpkilikti qaryz alýshynyń avtokólikti saqtandyrý jáne resimdeý (onyń ishinde kepilge qoiý) boiynsha shyǵyndaryn eskere otyryp, jyldyq 7,5%-dan aspaýy tiis;
- túpkilikti qaryz alýshylar saqtandyrý jáne otandyq óndiristiń jeńil avtokóligin kepilge resimdeý boiynsha shyǵystardy tóleidi.
Baǵdarlamaǵa qatysatyn avtoóndirýshilerdiń tizbesi:
- «SARYARQAAVTOPROM» JShS;
- «HYUNDAI TRANS KAZAKHSTAN» JShS.
