فوتو: Egemen.kz
الماتىداعى دوستىق ٷيٸندە قازاقستان جازۋشىلار وداعىنىڭ ۇيىمداستىرۋىمەن جاڭا كونستيتۋتسييا جوباسىنا ارنالعان مازمۇندى جيىن ٶتتٸ. باسقوسۋعا شىعارماشىلىق زييالى قاۋىم ٶكٸلدەرٸ, قوعام قايراتكەرلەرٸ, مەجٸلٸس دەپۋتاتتارى مەن كونستيتۋتسييالىق رەفورما جٶنٸندەگٸ كوميسسييا مٷشەلەرٸ قاتىسىپ, ەل دامۋى ٷشٸن ايرىقشا ماڭىزى بار قۇجات تٶڭٸرەگٸندە وي بٶلٸستٸ, دەپ جازادى Ult.kz Egemen.kz-كە سٸلتەمە جاساپ.
جيىنعا قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ تٶراعالىق ەتتٸ. كەزدەسۋدە جاڭا كونستيتۋتسييا جوباسىنىڭ تۇجىرىمدامالىق نەگٸزدەرٸ, ونىڭ قوعامدىق جەنە رۋحاني مەنٸ كەڭٸنەن سٶز بولدى. تالقىلاۋعا جاناربەك ەشٸمجان, ايدوس سارىم جەنە انار فازىلجان قاتىسىپ, قۇجاتتىڭ مازمۇنىنا قاتىستى ۇسىنىستارىن ورتاعا سالدى.
باسقوسۋدىڭ نەگٸزگٸ ماقساتى ەل تاعدىرىن ايقىندايتىن ماڭىزدى قۇقىقتىق قۇجاتقا شىعارماشىلىق قاۋىمنىڭ كٶزقاراسىن جٷيەلەۋ, سونداي-اق جاڭا كونستيتۋتسييا جوباسىن جالپىۇلتتىق تالقىلاۋعا كەڭٸنەن تارتۋ بولدى. وسى تۇرعىدا قالامگەرلەر مەن زييالى قاۋىم ٶكٸلدەرٸ قوعامداعى ٶزگەرٸستەرگە سەرگەك قاراپ, قۇقىقتىق رەفورمالارعا ٶز ٷنٸن قوسۋدىڭ ماڭىزىن اتاپ ٶتتٸ.
تالقىلاۋ بارىسىندا كونستيتۋتسييالىق رەفورمانىڭ باسىم باعىتتارى, جاڭا جوبادا قوعام, مەدەنيەت پەن شىعارماشىلىق سالاسىنا قاتىستى قاراستىرىلعان نورمالار, ازاماتتىق ينستيتۋتتاردىڭ ورنى مەن جاۋاپكەرشٸلٸگٸ جان-جاقتى تالداندى. قاتىسۋشىلار ازاماتتاردىڭ قۇقىقتارى مەن بوستاندىقتارىن كەڭەيتۋ, سٶز جەنە شىعارماشىلىق ەركٸندٸگٸن ينستيتۋتسيونالدىق دەڭگەيدە كٷشەيتۋ ەلدٸڭ ۇزاق مەرزٸمدٸ دامۋى ٷشٸن شەشۋشٸ فاكتور ەكەنٸن ايتتى.
سونىمەن قاتار, شىعارماشىلىق قاۋىم ٶكٸلدەرٸ جاڭا كونستيتۋتسييانى تەك قۇقىقتىق نورمالار جيىنتىعى رەتٸندە ەمەس, قوعامدىق سانانى جاڭعىرتاتىن, ەدٸلەتتٸلٸك پەن جاۋاپكەرشٸلٸك قاعيداتتارىن ورنىقتىراتىن رۋحاني تٸرەك رەتٸندە قابىلداۋ قاجەتتٸگٸن اتاپ ٶتتٸ. بۇل ۇستانىم قۇجاتتىڭ ٶمٸرشەڭدٸگٸ مەن قوعامداعى قابىلدانۋ دەڭگەيٸن ارتتىرۋعا ىقپال ەتەتٸنٸ ايتىلدى.
