سەنات سپيكەرٸ مەۋلەن ەشٸمباەۆتىڭ تٶراعالىعىمەن پالاتا جانىنداعى جاس ساراپشىلار كلۋبىنىڭ كەزەكتٸ وتىرىسى ٶتتٸ. وتىرىس بارىسىندا قاتىسۋشىلار مەملەكەت باسشىسىنىڭ جولداۋىنداعى ەلەۋمەتتٸك-ەكونوميكالىق باسىمدىقتاردى تالقىلاپ, ولاردى ٸسكە اسىرۋعا ارنالعان ۇسىنىستارىن ورتاعا سالدى. ٸس-شاراعا ەلٸمٸزدٸڭ ۇلتتىق ەكونوميكا مينيسترٸ ەلٸبەك قۋانتىروۆ قاتىستى.
وتىرىستى اشقان سەنات تٶراعاسى جەكە كەسٸپكەرلٸك باستامالاردى ىنتالاندىرۋ, بەسەكەلەستٸكتٸ دامىتۋ, ۇلتتىق تابىستى ەدٸل بٶلۋ جەنە باسقا دا ستراتەگييالىق باستامالار جاڭا ەكونوميكالىق ساياساتتىڭ باسىمدىقتارى ەكەنٸن ايتتى.
«باعا بەلگٸلەۋ ٸسٸنە مەملەكەتتٸڭ ارالاسۋىنان بٸرتٸندەپ باس تارتۋ جەنە ەكونوميكانى ودان ەرٸ مونوپوليياسىزداندىرۋ جولداۋدا بەلگٸلەنگەن بٸرٸنشٸ كەزەكتەگٸ مٸندەتتەر ەكەنٸ انىق. سونداي-اق تۇراقتى ەكونوميكالىق ٶسۋدٸ قامتاماسىز ەتۋ ٷشٸن تٷسٸنٸكتٸ جەنە بولجامدى ەكونوميكالىق ساياسات كەرەك. پرەزيدەنتٸمٸز قارجى سەكتورىن جانداندىرۋ ٷشٸن جاڭا سالىق كودەكسٸن ەزٸرلەۋدٸ تاپسىردى. بٷگٸندە بۇل باعىتتا تيٸستٸ جۇمىستار باستالىپ تا كەتتٸ. سونىمەن قاتار مەملەكەت باسشىسى كەدەندٸك ەكٸمشٸلەندٸرۋ جەنە بيۋدجەتتٸك ساياسات سالالارىن جاقسارتۋ بويىنشا ايتارلىقتاي رەفورما جٷرگٸزۋ جەنە ناقتى شارالار قابىلداۋ قاجەت ەكەنٸن ايتتى», – دەدٸ مەۋلەن ەشٸمباەۆ.
سەنات تٶراعاسى جولداۋدا مەملەكەتتٸك-جەكەمەنشٸك سەرٸكتەستٸكتٸڭ جاڭا مودەلٸن ەنگٸزۋ جەنە نەسيە رەسۋرستارىنىڭ تاپشىلىعىن شەشۋ ارقىلى كەسٸپكەرلٸكتٸ جٷيەلٸ تٷردە قولداۋعا ەرەكشە نازار اۋدارىلعانىن دا اتاپ ٶتتٸ.
مەۋلەن ەشٸمباەۆ مەملەكەت باسشىسى پاندەمييانىڭ شەكتەۋلٸ رەسۋرستار جاعدايىنداعى ەل ەكونوميكاسىنا تيگٸزگەن سالدارىن ەسكەرە وتىرىپ, بٸرقاتار نەگٸزگٸ باسىمدىقتى بەلگٸلەپ بەرگەنٸنە نازار اۋداردى.
«بٸزگە قازٸر الداعى جىلداردا قازاقستاندا كەسٸپكەرلەرگە جۇمىس ٸستەۋگە, ٶز كەسٸبٸ مەن بيزنەسٸن جٷرگٸزۋگە مٷمكٸندٸك بەرەتٸن ناقتى ەرەجەلەر قاجەت. بۇل – ەدٸل, اشىق, دەموكراتييالىق قازاقستاننىڭ جاڭا پاراديگماسىن قالىپتاستىرۋدىڭ العاشقى قادامى. جولداۋدان تۋىندايتىن ەكٸنشٸ مٸندەت – ۇلتتىق كومپانييالار مەن كۆازيمەملەكەتتٸك سەكتوردى جەنە ٶزگە دە تەتٸكتەردٸ رەفورمالاۋ ارقىلى مەملەكەتتٸڭ ەكونوميكاداعى ٷلەسٸن ازايتۋ. تاعى بٸر باسىمدىق, بٸز ەكونوميكانى بەلسەندٸ تٷردە نەسيەلەۋ بويىنشا ماقساتتى قادامدار جاساۋىمىز قاجەت. پرەزيدەنتٸمٸز باستى ەرەجەلەردٸ اتاپ ٶتتٸ. ەندٸ بٸز ٶز ۇسىنىستارىمىزدى بەرٸپ, ولاردى نەگٸزگٸ قاتىسۋشى تاراپتارعا جەتكٸزۋٸمٸز كەرەك. سونداي-اق ەرٸ قاراي سول ەرەجەلەردٸ ۇستانۋعا تيٸسپٸز», – دەدٸ سەنات سپيكەرٸ.
ٶز كەزەگٸندە ۇلتتىق ەكونوميكا مينيسترٸ ەلٸبەك قۋانتىروۆ مينيسترلٸكتٸڭ وسى باعىتتاعى جۇمىسىنا توقتالىپ, ەلٸمٸزدەگٸ جەنە ەلەمدەگٸ ەكونوميكالىق ٷدەرٸستەردٸ جان-جاقتى زەرتتەپ, كەشەندٸ ساراپتاما جٷرگٸزگەنٸ ٷشٸن وتىرىسقا قاتىسۋشىلارعا ريزاشىلىعىن بٸلدٸردٸ. سونداي-اق ول جاڭا يدەيالار جولىندا مەملەكەت پەن ساراپشىلار قاۋىمداستىعىنىڭ بٸرلەسٸپ جۇمىس ٸستەۋٸ ماڭىزدى قادام ەكەنٸن تٸلگە تيەك ەتتٸ.
ٸس-شارا بارىسىندا جاس ساراپشىلار كلۋبىنىڭ مٷشەلەرٸ سالىق مٶلشەرلەمەلەرٸ مەن باسقا دا ەلەۋمەتتٸك اۋدارىمداردىڭ حالىقارالىق تەجٸريبەسٸنە, قازٸرگٸ سانكتسييالىق تەكەتٸرەس جاعدايىندا وتاندىق بيزنەستٸڭ ستراتەگيياسىنا جەنە ەكونوميكالىق دامۋدىڭ باسقا دا ماڭىزدى مەسەلەلەرٸنە قاتىستى ٶز ۇسىنىستارى مەن ۇسىنىمدارىن ايتتى.
