فوتو: pexels.com
جامبىل وبلىسىندا پوليتسەيلەر جاسٶسپٸرٸمدەردٸڭ ٷيدەن كەتٸپ قالۋ سەبەپتەرٸ تۋرالى ايتىپ بەردٸ, دەپ حابارلايدى Ult.kz.
تەرتٸپ ساقشىلارىنىڭ ايتۋىنشا, جىل باسىنان بەرٸ جامبىل وبلىسىندا كەمەلەتكە تولماعان جاسٶسپٸرٸمدەردٸڭ ٷيدەن كەتۋٸنٸڭ 242 دەرەگٸ تٸركەلدٸ, ولاردىڭ 215-ٸ كەزەكشٸ تەۋلٸكتە تابىلدى, قالعاندارىنىڭ تۇرعىلىقتى جەرٸ بٸرنەشە تەۋلٸك ٸشٸندە انىقتالعان.
سەبەپتەرٸنە توقتالساق, پوليتسييا ستاتيستيكالىق تالداۋ جٷرگٸزگەن. ولاردىڭ ٸشٸندە مىناداي سەبەپتەر اتالعان: وتباسىنداعى جانجال جاعدايلارى, اتا-انالاردىڭ جۇمىسباستىلىعى, نەتيجەسٸندە بالالاردىڭ بوس ۋاقىتى مەن بايلانىس ورتاسىنا قاتىستى باقىلاۋدىڭ بولماۋى, كەمەلەتكە تولماعانداردىڭ بوس ۋاقىتىنىڭ دۇرىس ۇيىمداستىرىلماۋى, كومپيۋتەرلٸك ويىندارعا دەگەن ەۋەستٸك, وتباسىنداعى قولايسىزدىق جەنە جاسٶسپٸرٸمنٸڭ ٶزٸن-ٶزٸ باعالاۋى, ٶزٸن قۇرمەتتەۋٸنە, تٶتەنشە, كەيدە قاۋٸپتٸ جولدارمەن تانىلۋعا جەنە باقىلاۋدان شىعۋعا دەگەن ۇمتىلىسى.
بالالار ناقتى مەكەنجايدى بٸلمەي, اۆتوبۋسپەن جٷرٸپ نەمەسە ٷيدەن ۇزاپ بارا جاتقاندا اداسىپ كەتۋ, كەزدەيسوق كەتۋ جاعدايى سيرەك كەزدەسٸپ جاتقانى ايتىلادى.
مەسەلەن, 17 جاستاعى جاسٶسپٸرٸم شكافتاعى زاتتاردى اقتارىپ جٷرٸپ, ەجەسٸنٸڭ جاسىرعان اقشاسىن تاۋىپ الىپ, وعان ۇيالى تەلەفون ساتىپ العان. مۇنى بٸلگەن ەجەسٸ نەمەرەسٸنە ۇرىسادى, ال ول رەنجٸپ ٷيدەن جاسىرىن كەتٸپ قالادى. پوليتسييا جاسٶسپٸرٸمدٸ تاڭەرتەڭ ٷيدەن 35 شاقىرىم جەردەن تاپقان.
ال 13 جاستاعى بالا اتا-اناسىمەن ساباقتان تٶمەن باعا العانى ٷشٸن ۇرىسىپ, ەشبٸر ەسكەرتپەستەن, دوسىنىڭ ٷيٸنە قونادى. وسىعان قاتىستى اتا-انالارمەن جەنە كەمەلەتكە تولماعان جاسٶسپٸرٸمدەرمەن پروفيلاكتيكالىق ەڭگٸمەلەر ٶتكٸزٸلدٸ.
قازٸرگٸ تاڭدا ٷيدەن كەتكەن بارلىق جاسٶسپٸرٸمدەر تابىلىپ, اتا-انالارىنا قايتارىلدى. بالالارعا قاتىستى نە ولاردىڭ قاتىسۋىمەن جاسالعان قانداي دا بٸر قىلمىس جاساۋ فاكتٸلەرٸ ولاردى ٸزدەستٸرۋ كەزەڭٸندە تٸركەلمەگەن. بارلىق بالالاردى ٸزدەۋگە تەك پوليتسييا قىزمەتكەرلەرٸ عانا ەمەس, ەرٸكتٸلەر مەن وسىعان بەي-جاي قارامايتىن بەلسەندٸ ازاماتتار دا قاتىستى.
