قازاقستاندا جانۋارلارعا قاتىگەزدٸك كٶرسەتكەن ادامداردىڭ 2 جىلعا دەيٸن باس بوستاندىعى شەكتەلۋٸ مٷمكٸن. بۇل تۋرالى بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«ادامدار تاراپىنان جانۋارلارعا نە ٷشٸن قاتىگەزدٸك جاسالاتىنى تٷسٸنٸكسٸز. بۇل اقتاۋعا كەلمەيدٸ. كٷن سايىن ەلەۋمەتتٸك جەلٸلەردە اقىلعا سىيمايتىن ەرەكەتتەر جارييالانىپ جاتادى. اققۋدى تۇنشىقتىرىپ, يتبالىقتى ۇرىپ, يتتٸ قورلاپ جاتقانىن كٶردٸك. بۇعان ۇقساس فاكتٸلەر كٶپ. سوندىقتان جازانى كٷشەيتۋ قاجەت», - دەدٸ ماعزۇم مىرزاعاليەۆ وكق-دا ٶتكەن باسپاسٶز مەسليحاتىندا.
مينيستر اتاپ ٶتكەندەي, سوندىقتان بٷگٸندە قىلمىستىق كودەكستٸڭ 316-بابى («جانۋارلارعا قاتىگەزدٸك جاساۋ») بويىنشا جازانى كٷشەيتۋ ۇسىنىلىپ وتىر.
«ايىپپۇل ۇلعايادى, تٸپتٸ باس بوستاندىعىن شەكتەۋ جازاسى ەنگٸزٸلۋٸ مٷمكٸن. زاڭ جوباسى جاقىندا مەجٸلٸسكە جولداندى. بۇدان بٶلەك دەپۋتاتتارمەن, جانۋارلاردى قورعاۋشىلارمەن بٸرگە جانۋارلاردى قورعاۋ تۋرالى زاڭ جوباسى ەزٸرلەندٸ. ونىڭ جٷزەگە اسۋى جانۋارلارعا ادامگەرشٸلٸكپەن, جاۋاپكەرشٸلٸكپەن قاراۋدى قامتاماسىز ەتەدٸ. تٷرلٸ ساناتتاعى جانۋارلارعا قاراۋ بويىنشا جالپى جەنە ارنايى تالاپتار بەكٸتٸلەدٸ. سونىمەن بٸرگە جانۋارلارعا جاسالعان كەز كەلگەن قاتىگەزدٸك ەرەكەتكە قاتىستى جاۋاپكەرشٸلٸك ٸلەسپە زاڭدا قاراستىرىلعان», - دەدٸ مينيستر.
اتاپ ٶتەرلٸگٸ, جاڭا قۇجاتتا جابايى, ٷي, قىزمەتتٸك جەنە اۋىل شارۋاشىلىعى جانۋارلارىنا جاسالاتىن قاتىگەزدٸكتٸڭ الدىن الۋ شارالارى تولىق قارالعان. جانۋارلارعا ۆەتەرينارلىق كٶمەك, تيٸستٸ كٷتٸم جاساۋ, ويىن-ساۋىقتىق ماقساتتا پايدالانۋ ەرەجەلەرٸ بەكٸتٸلگەن. ال جانۋارلارعا قاتىگەزدٸكتٸ ناسيحاتتاۋعا تىيىم سالىنعان.
