پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي باعدارلامالارى وپەراتورلارىنىڭ سانىن قىسقارتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسى قازاقستان پرەزيدەنتٸ قاسىم-جومارت توقاەۆتىڭ تاپسىرماسىن ٸسكە اسىرۋ ماقساتىندا پارلامەنت دەپۋتاتتارى باستاماشىلىعىمەن ەزٸرلەندٸ.
«وسى زاڭ جوباسى 2020 جىلعى 8 سەۋٸردە بٸرٸنشٸ وقىلىمدا ماقۇلداندى. تالقىلاۋ كەزٸندە اتاپ ٶتٸلگەندەي, تۇرعىن ٷي باعدارلامالارىنىڭ جۇمىس ٸستەپ تۇرعان ٷش وپەراتورىن تۇرعىن ٷي قۇرىلىسىنىڭ بٸرىڭعاي وپەراتورى ەتٸپ بٸرٸكتٸرۋگە, سونداي-اق ولاردىڭ قايتالاناتىن فۋنكتسييالارىن جويۋعا جەنە جالپى ەكٸمشٸلٸك شىعىستارىن قىسقارتۋعا باعىتتالعان», - دەدٸ مەجٸلٸس دەپۋتاتى ساپار احمەتوۆ.
زاڭ جوباسىندا تۇرعىن ٷي قۇرىلىسىنىڭ بٸرىڭعاي وپەراتورىنىڭ كەلەسٸ نورمالارى ەنگٸزٸلگەن: يپوتەكالىق تۇرعىن ٷي قارىزدارىنا كەپٸلدٸك بەرۋ, ٷلەسكەرلەردٸڭ قۇقىقتارىن قورعاۋ تەتٸگٸن قولدانۋ ارقىلى كٶپپەتەرلٸ تۇرعىن ٷيدٸڭ قۇرىلىسىن اياقتاۋعا كەپٸلدٸكتەر بەرۋ, ينۆەستيتسييالىق جوبالاردى قارجىلاندىرۋ مەن ٸسكە اسىرۋ جٶنٸندەگٸ قىزمەتتەرٸن رەگلامەنتتەۋ.
ەسكە سالا كەتەيٸك, بيىل سەۋٸر ايىندا پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي باعدارلامالارى وپەراتورلارىنىڭ سانىن قىسقارتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلدانعان بولاتىن.
زاڭ جوباسى تۇرعىن ٷي باعدارلامالارىنىڭ جۇمىس ٸستەپ تۇرعان وپەراتورلارى «قازاقستان يپوتەكالىق كومپانيياسى» اق-نى, «بەيتەرەك دەۆەلوپمەنت» اق مەن «تۇرعىن ٷي قۇرىلىسىنا كەپٸلدٸك بەرۋ قورى» اق-نى تۇرعىن ٷي قۇرىلىسىنىڭ بٸرىڭعاي وپەراتورى ەتٸپ بٸرٸكتٸرۋگە باعىتتالعان.
