پرەزيدەنت قاسىم-جومارت توقاەۆ پارلامەنت سەناتىنىڭ وتىرىسىندا 2023 جىلدىڭ ەل ٷشٸن وڭاي بولماعانىن اتاپ ٶتتٸ, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«بارشاڭىزعا مەلٸم, ٶتٸپ بارا جاتقان جىل وڭاي بولعان جوق, ٶتە كٷردەلٸ بولدى دەسەك ارتىق ەمەس. ەلٸمٸزدە بولعان قاسٸرەتتٸ وقيعالار جٶنٸندە ٶزدەرٸڭٸز بٸلەسٸزدەر. بٸز بەرٸمٸز بٸر ەل, بٸر ۇلت, بٸر حالىق بولىپ, وتانىمىزدى بٸرلەسٸپ ساقتاپ قالدىق دەپ ەش كٷمەنسٸز ايتۋعا بولادى. الدىمىزدا تۇرعان نەگٸزگٸ ماقسات – ەلٸمٸزدەگٸ تۇراقتىلىقتى, قاۋٸپسٸزدٸكتٸ ساقتاپ قالۋ, قازاقستاننىڭ جارقىن بولاشاققا قاراي قارقىندى دامۋىنا جول اشىپ بەرۋ. ەرينە, بۇل جولدىڭ وڭاي بولمايتىنى انىق. بٸراق دانا حالقىمىز بارلىق قيىندىقتى, توسقاۋىلدار مەن كەدەرگٸلەردٸ جەڭٸپ شىعاتىنىنا مەن كەمٸل سەنەمٸن.
ادامزات كوروناۆيرۋس ٸندەتٸنٸڭ سالدارىن ەلٸ دە تولىق ەڭسەرە الماي وتىر. وعان قوسا, گەوساياسي احۋال ۋشىعا تٷستٸ. سونىڭ كەسٸرٸنەن حالىقارالىق داعدارىس كٷشەيدٸ. مۇنىڭ بەرٸ ەلەم ەكونوميكاسىن تىعىرىققا تٸرەدٸ. بٸز وسى كٷردەلٸ جاعدايدا ەكونوميكانىڭ قۇلدىراۋىنا جول بەرگەن جوقپىز. ٶتكەن 11 ايدىڭ قورىتىندىسى بويىنشا ەكونوميكامىز 3 پايىزعا ٶستٸ. نەگٸزگٸ كاپيتالعا سالىناتىن ينۆەستيتسييا كٶلەمٸ 6,5 پايىزعا ارتتى. بۇل جامان كٶرسەتكٸش ەمەس. بٸراق جايباراقات وتىرۋعا بولمايدى», - دەدٸ مەملەكەت باسشىسى جيىندا.
سونداي-اق توقاەۆ ٷكٸمەتتٸڭ جۇمىسىن سىنعا الدى.
«مەن جاقىندا ٶتكەن ٷكٸمەت وتىرىسىندا بۇل مەسەلە بويىنشا ناقتى ايتتىم. ەلٸمٸز ٷشٸن ٶتە ماڭىزدى بٸرقاتار مەسەلە بويىنشا ٷكٸمەت لايىقتى بەلسەندٸلٸك كٶرسەتٸپ وتىرعان جوق, شەشٸمدەرٸن باياۋ قابىلداپ جاتىر. ٷكٸمەت وسى ولقىلىقتاردى تٷزەتۋ ٷشٸن ەرەكەتتەرٸن قولدانۋدا, تاياۋ ارادا ونىڭ جۇمىسىنىڭ تيٸمدٸلٸگٸ ارتادى دەپ ويلايمىن. پرەمەر-مينيستردٸڭ ۇسىنىسى بويىنشا جاڭا جىلدىڭ باسىندا ٷكٸمەتتە بٸرقاتار كادرلىق ٶزگەرٸستەر جاساماقشىمىن. جالپى, ٷكٸمەتتٸڭ الدىندا تۇرعان ماقساتتار – ٶتە اۋقىمدى جەنە ٶزەكتٸ», - دەدٸ پرەزيدەنت.
