قازاقستاننىڭ سينگاپۋرداعى جەنە اۋسترالييا مەن جاڭا زەلانديياداعى قىزمەتٸن قوسا اتقارۋشى ەلشٸسٸ اركەن ارىستانوۆ جاڭا زەلاندييانىڭ ەڭ ٸرٸ قالاسى – وكلەندتە قازاقستاننىڭ قۇرمەتتٸ كونسۋلدىعىنىڭ سالتاناتتى اشىلۋ رەسٸمٸنە ونلاين رەجيمدە قاتىستى, دەپ حابارلايدى قر سٸم باسپاسٶز قىزمەتٸ.
قۇرمەتتٸ كونسۋل بولىپ Beesley Investments Limited كونسالتينگتٸك كومپانيياسىنىڭ ديرەكتورى برايان ەشلي دجونسون تاعايىندالدى.
ب.دجونسون مىرزا كٶپتەگەن جىلدار بويى قازاقستاندىق-جاڭا زەلاندييالىق ٶزارا ٸس-قيمىلدى كەڭەيتۋگە جەردەمدەسەدٸ, اتاپ ايتقاندا, الماتى رەگبي كلۋبىمەن ىنتىماقتاسادى, سونداي-اق جاڭا زەلانديياداعى قازاقستان ازاماتتارىنا بەلسەندٸ تٷردە جەردەم كٶرسەتەدٸ. سونىمەن بٸرگە, ول جاڭا زەلانديياداعى بەيبٸتشٸلٸك سۋدياسى (Justice of the peace) بولىپ تابىلادى.
كەزدەسۋگە قازاقستاننىڭ اۋستراليياداعى باس كونسۋلى مارات قاليجانوۆ جەنە قۇرمەتتٸ كونسۋلدارى ەندريۋ فەرنيحوۋ (مەلبۋرن ق.) جەنە دجەيسون ستيربينسكيس (پەرت ق.) قاتىستى.
ا.ارىستانوۆ 2021 جىل ٷلكەن داتامەن - قازاقستان تەۋەلسٸزدٸگٸنٸڭ 30 جىلدىعىمەن تۇسپا-تۇس كەلگەنٸن جەنە قازاقستاننىڭ جاڭا زەلاندييا جەنە اۋسترالييامەن ەكٸجاقتى قارىم-قاتىناستارىن ٸلگەرٸلەتۋدە بەلسەندٸ جۇمىستى جالعاستىرۋ قاجەتتٸگٸن اتاپ ٶتتٸ.
ايتا كەتەيٸك, قۇرمەتتٸ كونسۋلدىق – ٶزٸ ٶكٸلدٸك ەتەتٸن ەلدٸڭ مەملەكەتتٸك قىزمەتٸندە تۇرماي, سول ەلدٸڭ جەنە ونىڭ ازاماتتارىنىڭ قۇقىقتارى مەن مٷددەلەرٸن قورعاۋدى قوسا, بٸراق ۆيزالار مەن ٶزگە دە رەسمي قۇجاتتاردى بەرۋدٸ قوسپاعاندا, ٶكٸلدٸك ەتەتٸن مەملەكەتتٸڭ تاپسىرماسىمەن جەنە بولۋ ەلٸنٸڭ كەلٸسٸمٸمەن اقىسىز نەگٸزدە كەيبٸر كونسۋلدىق مٸندەتتەردٸ اتقاراتىن قۇرمەتتٸ (شتاتتان تىس) كونسۋل باسقاراتىن مەكەمە.
