Qazaqstannyń Singapýrdaǵy jáne Aýstraliia men Jańa Zelandiiadaǵy qyzmetin qosa atqarýshy Elshisi Arken Arystanov Jańa Zelandiianyń eń iri qalasy – Oklendte Qazaqstannyń Qurmetti konsýldyǵynyń saltanatty ashylý rásimine onlain rejimde qatysty, dep habarlaidy QR SIM baspasóz qyzmeti.
Qurmetti konsýl bolyp Beesley Investments Limited konsaltingtik kompaniiasynyń direktory Braian Eshli Djonson taǵaiyndaldy.
B.Djonson myrza kóptegen jyldar boiy qazaqstandyq-jańa zelandiialyq ózara is-qimyldy keńeitýge járdemdesedi, atap aitqanda, Almaty Regbi klýbymen yntymaqtasady, sondai-aq Jańa Zelandiiadaǵy Qazaqstan azamattaryna belsendi túrde járdem kórsetedi. Sonymen birge, ol Jańa Zelandiiadaǵy Beibitshilik sýdiasy (Justice of the peace) bolyp tabylady.
Kezdesýge Qazaqstannyń Aýstraliiadaǵy Bas konsýly Marat Qalijanov jáne qurmetti konsýldary Endriý Fernihoý (Melbýrn q.) jáne Djeison Stirbinskis (Pert q.) qatysty.
A.Arystanov 2021 jyl úlken datamen - Qazaqstan Táýelsizdiginiń 30 jyldyǵymen tuspa-tus kelgenin jáne Qazaqstannyń Jańa Zelandiia jáne Aýstraliiamen ekijaqty qarym-qatynastaryn ilgeriletýde belsendi jumysty jalǵastyrý qajettigin atap ótti.
Aita keteiik, Qurmetti konsýldyq – ózi ókildik etetin eldiń memlekettik qyzmetinde turmai, sol eldiń jáne onyń azamattarynyń quqyqtary men múddelerin qorǵaýdy qosa, biraq vizalar men ózge de resmi qujattardy berýdi qospaǵanda, ókildik etetin memlekettiń tapsyrmasymen jáne bolý eliniń kelisimimen aqysyz negizde keibir konsýldyq mindetterdi atqaratyn Qurmetti (shtattan tys) konsýl basqaratyn mekeme.
