جاڭا زەلاندييانىڭ كرايستچەرچ قالاسىندا ەكٸ مەشٸتتە بولعان شابۋىلعا بايلانىستى قوزعالعان قىلمىستىق ٸستەگٸ باستى كٷدٸكتٸ 16 ناۋرىزدا ايماقتىق سوتقا جەتكٸزٸلگەن. ٶزٸن "اق نەسٸلدٸ ۇلتشىل" دەپ اتايتىن اۆسترالييا ازاماتى 28 جاستاعى برەنتون تاررانتتى قارۋلانعان ەكٸ پوليتسييا قىزمەتكەرٸ سوت عيماراتىنا اپارعان.
سوتتا تاررانتقا "ادام ٶلتٸرۋ" بابى بويىنشا ايىپ تاعىلعان. قىلمىسقا قاتىسى بار دەپ كٷدٸككە ٸلٸنگەن ونىڭ تاعى ەكٸ "سىبايلاسى" دا ۇستالعان دەپ حابارلايدى "امەريكا داۋىسى" سايتى.
سەنبٸ كٷنگٸ باسپاسٶز مەسليحاتىندا اۆسترالييانىڭ پرەمەر-مينيسترٸ دجاسيندا اردەرن ۇستاۋ كەزٸندە دە تاررانتتىڭ شابۋىل جاساۋعا وقتالعانىن ايتقان. پرەمەر-مينيستر قاندى شابۋىلدى ايىپتاپ, قارۋ اينالىمى تۋرالى جەرگٸلٸكتٸ زاڭناماعا ٶزگەرٸس ەنگٸزۋ قاجەتتٸگٸن مەلٸمدەگەن. اردەرننٸڭ ايتۋىنشا, شابۋىلداۋشىدا بەس قارۋ بولعان. ولاردىڭ بەرٸن زاڭدى تٷردە العان.
ايىپتالۋشى شابۋىل كەزٸندە Facebook-تا تٸكەلەي ترانسلياتسييا جاساعان. ول ەلەۋمەتتٸك جەلٸدە 74 بەتتٸك ۇلتتىق مانيفەستٸڭ مەتٸنٸن جارييالاعان. وندا مۇسىلمانداردى ايىپتاپ, ميگرانتتاردى "جاۋلاپ الۋشى" دەپ اتاعان. ەلەۋمەتتٸك جەلٸدە تاررانت ەلەمنٸڭ كەز كەلگەن جەرٸ قاۋٸپسٸز ەمەس ەكەنٸن كٶرسەتكٸسٸ كەلگەندٸكتەن شابۋىلدى جاڭا زەلاندييادا ۇيىمداستىراتىنىن ايتقان.
15 ناۋرىزدا جاڭا زەلانديياداعى ەكٸ مەشٸتكە جاسالعان شابۋىلدان كەمٸندە 50 ادام قازا تاۋىپ, 20 ادام جارالانعان. ەل بيلٸگٸ وقيعانى تەراكت دەپ اتادى. ەلەم ەلدەرٸنٸڭ جەتەكشٸلەرٸ جاڭا زەلاندييا حالقىنا كٶڭٸل ايتىپ, شابۋىلدى قاتاڭ ايىپتادى.
