فوتو: shtrafy.kz
جامبىل وبلىسىنىڭ قورداي اۋدانىندا شەتەل ازاماتتارىن جالعان مەكەنجايلارعا تٸركەۋ فاكتٸلەرٸ انىقتالدى. بۇل تۋرالى وبلىستىق پروكۋراتۋرا حابارلادى.
تەكسەرۋ بارىسىندا قالعۇتى اۋىلىنداعى مەكەنجايلاردىڭ بٸرٸنە ٶزبەكستاننىڭ 12 ازاماتى تٸركەلگەنٸ بەلگٸلٸ بولدى. الايدا ولار ٸس جٷزٸندە الماتى قالاسىندا تۇرىپ, سول جەردە جۇمىس ٸستەگەن.
وسىعان ۇقساس زاڭ بۇزۋشىلىق سورتٶبە اۋىلىندا دا تٸركەلگەن. وندا قىرعىز رەسپۋبليكاسىنىڭ 9 ازاماتى جالعان تٸركەۋگە قويىلىپ, ناقتىسىندا باسقا ٶڭٸرلەردە تۇرعانى انىقتالعان.
باس پروكۋراتۋرانىڭ مەلٸمەتٸنشە, مۇنداي زاڭسىز سحەمالار كٶشٸ-قون ەسەبٸن بۇرمالاپ قانا قويماي, قوعامدىق قاۋٸپسٸزدٸككە قاۋٸپ تٶندٸرٸپ, ٶزگە قۇقىق بۇزۋشىلىقتاردى جاسىرۋ ٷشٸن دە پايدالانىلۋى مٷمكٸن.
پروكۋرورلىق قاداعالاۋ اكتٸلەرٸ نەگٸزٸندە جالعان تٸركەۋلەردٸڭ كٷشٸ جويىلىپ, كٸنەلٸ تۇلعالار جاۋاپقا تارتىلدى.
سونىمەن قاتار پروكۋراتۋرا ٷيلەستٸرۋٸمەن شەتەلدٸك جۇمىس كٷشٸن زاڭسىز پايدالانعاندارعا قاتىستى قىلمىستىق جاۋاپكەرشٸلٸك تەجٸريبەسٸ ەنگٸزٸلگەن.
مەسەلەن, شەتەل ازاماتتارىن زاڭسىز جۇمىسقا تارتقانى ٷشٸن بۇعان دەيٸن ەكٸ رەت ەكٸمشٸلٸك جاۋاپكەرشٸلٸككە تارتىلعان دەمحانا يەسٸ 2025 جىلدىڭ جەلتوقسانى مەن 2026 جىلدىڭ قاڭتارىندا قايتادان زاڭ بۇزعان. ول رۇقسات قۇجاتتارىن رەسٸمدەمەي, شەتەل ازاماتتارىن جۇمىسقا قابىلداعان.
اتالعان دەرەك بويىنشا قىلمىستىق كودەكستٸڭ 395-بابى نەگٸزٸندە سوتقا دەيٸنگٸ تەرگەۋ جٷرگٸزٸلٸپ, ٸس سوتقا جولدانعان. سوت ٷكٸمٸمەن كٸنەلٸ تۇلعاعا 50 اەك كٶلەمٸندە ايىپپۇل سالىندى.
