فوتو: قر مام
2025 جىلدىڭ 24 ماۋسىمىندا جامبىل اتىنداعى قازاق مەملەكەتتٸك اكادەمييالىق فيلارمونييا ساحناسىندا فيلارمونييانىڭ جەتەكشٸ سوليستەرٸنٸڭ قاتىسۋىمەن ماۋسىمنىڭ جابىلۋ كونتسەرتٸ ٶتتٸ, دەپ حابارلايدى Ult.kz.
كونتسەرت باعدارلاماسى كلاسسيكالىق, ۇلتتىق جەنە زاماناۋي مۋزىكا تۋىندىلارىن قامتىدى. ولاردىڭ قاتارىندا نەمٸس كومپوزيتورى يوگاننەس برامستىڭ «سكەرتسو», كشيشتوۆ پەندەرەتسكيي «ۆيولونچەللو»جەنە قازاق حالىق ٶنەرٸنٸڭ باي ٸنجۋ-مارجاندارى نۇرعيسا تٸلەنديەۆتٸڭ «اققۋ», حالىق ەنٸ «ياپىراي» جەنە تاعى دا باسقا سوليستەر رەپەرتۋارىنداعى ٷزدٸك شىعارمالار ورىندالدى.
ساحنادا قازاقستاننىڭ ەڭبەك سٸڭٸرگەن قايراتكەرٸ ايدا ايۋپوۆا, مەدەنيەت قايراتكەرٸ ەرجان ەلٸمبەتوۆ, مەدەنيەت سالاسىنىڭ ٷزدٸكتەرٸ مەن حالىقارالىق بايقاۋلاردىڭ لاۋرەاتتارى دا ٶنەر كٶرسەتتٸ.
عاسىرعا جۋىق تاريحى بار جامبىل اتىنداعى قازاق مەملەكەتتٸك اكادەمييالىق فيلارمونيياسىنىڭ باستى ماقساتى — كلاسسيكالىق جەنە دەستٷرلٸ قازاق ٶنەرٸن كەڭٸنەن ناسيحاتتاۋ. وسى باعىتتا فيلارمونييانىڭ شىعارماشىلىق ۇجىمدارى جىل بويىنا مازمۇندى كونتسەرتتەر بەرٸپ, رەپەرتۋارلارىن رۋحاني قۇندىلىعى جوعارى مۋزىكالىق تۋىندىلارمەن بايىتىپ كەلەدٸ.
بيىلعى ماۋسىم فيلارمونييا ٷشٸن تابىستى ەرٸ جەمٸستٸ جىل بولدى. قىركٷيەك ايىندا پيانيست جانار سٷلەيمانوۆا لوندوندا ٶتكەن «Golden Time Talent» حالىقارالىق بايقاۋىندا جٷلدەلٸ ٸ ورىندى يەلەنسە, مەدەنيەت جەنە ٶنەر قىزمەتكەرلەرٸ كٷنٸ قارساڭىندا سوليست ەرمەك قۇرماناەۆ «قازاقستاننىڭ ەڭبەك سٸڭٸرگەن قايراتكەرٸ», ماقپال قازىبەكقىزى «ەرەن ەڭبەگٸ ٷشٸن» مەدالٸمەن ماراپاتتالدى.
