Foto: QR MAM
2025 jyldyń 24 maýsymynda Jambyl atyndaǵy Qazaq memlekettik akademiialyq filarmoniia sahnasynda filarmoniianyń jetekshi solisteriniń qatysýymen maýsymnyń jabylý kontserti ótti, dep habarlaidy Ult.kz.
Kontsert baǵdarlamasy klassikalyq, ulttyq jáne zamanaýi mýzyka týyndylaryn qamtydy. Olardyń qatarynda nemis kompozitory Iogannes Bramstyń «Skertso», Kshishtov Penderetskii «Violonchello»jáne qazaq halyq óneriniń bai injý-marjandary Nurǵisa Tilendievtiń «Aqqý», halyq áni «Iapyrai» jáne taǵy da basqa solister repertýaryndaǵy úzdik shyǵarmalar oryndaldy.
Sahnada Qazaqstannyń eńbek sińirgen qairatkeri Aida Aiýpova, mádeniet qairatkeri Erjan Álimbetov, mádeniet salasynyń úzdikteri men halyqaralyq baiqaýlardyń laýreattary da óner kórsetti.
Ǵasyrǵa jýyq tarihy bar Jambyl atyndaǵy Qazaq memlekettik akademiialyq filarmoniiasynyń basty maqsaty — klassikalyq jáne dástúrli qazaq ónerin keńinen nasihattaý. Osy baǵytta filarmoniianyń shyǵarmashylyq ujymdary jyl boiyna mazmundy kontsertter berip, repertýarlaryn rýhani qundylyǵy joǵary mýzykalyq týyndylarmen baiytyp keledi.
Biylǵy maýsym filarmoniia úshin tabysty ári jemisti jyl boldy. Qyrkúiek aiynda pianist Janar Súleimanova Londonda ótken «Golden Time Talent» halyqaralyq baiqaýynda júldeli I oryndy ielense, Mádeniet jáne óner qyzmetkerleri kúni qarsańynda solist Ermek Qurmanaev «Qazaqstannyń eńbek sińirgen qairatkeri», Maqpal Qazybekqyzy «Eren eńbegi úshin» medalimen marapattaldy.
