ماڭعىستاۋدا جالعان ۆاكتسينا پاسپورتىن جاساتقان ەيەل رەانيماتسييادا كٶز جۇمعان. ورتالىق كوممۋنيكاتسييالار قىزمەتٸ ۇيىمداستىرعان ونلاين بريفينگٸدە باق كٶٸلدەرٸنٸڭ جالعان ۆاكتسيناتسييامەن كٷرەس تۋرالى ساۋالىنا جاۋاپ بەرگەن ماڭعىستاۋ وبلىسى ەكٸمٸنٸڭ ورىنباسارى گٷلميرا قالمۇراتوۆا وسىنداي دەرەك كەلتٸردٸ, دەپ حابارلايدى قازاقپارات.
«ۆاكيتسناتسييانىڭ تازا جٷرۋٸن بٸز ەۋەل باستان قولعا الدىق. بٷگٸنگٸ تاڭدا ەكپە بەكەتتەرٸنٸڭ بەرٸندە باقىلاۋ كامەرالارى ورناتىلعان. نەگٸزٸ ماڭعىستاۋ وبلىسىندا انىقتالعان دەرەك بويىنشا كەزٸندە اقپارات بەرٸلگەن. پوليتسييا دەپارتامەنتٸنٸڭ مەلٸمەت بويىنشا اقتاۋ قالاسىنداعى №1 ەمحانادا بۇل فاكتٸ تٸركەلگەن. ٶكٸنٸشكە قاراي ول ٸسكە دەرٸگەرلەرمەن مەن مەدبيكەلەردٸڭ قاتىسى بار بولىپ شىقتى. قازٸر سوتقا دەيٸنگٸ تەرگەۋ جٷرٸپ جاتىر. ودان باسقا فاكتٸلەر انىقتالعان جوق», - دەگەن ەكٸمدٸك ٶكٸلٸ.
سونداي-اق, ول بيىل ماڭعىستاۋ وبلىسىندا COVID-19 ٸندەتٸن جۇقتىرۋ كٶرسەتكٸشٸ بىلتىرعىدان 5 ارتقانىن ەسكە سالدى.
«باعانا دا ايتتىم, 2020 جىلدان باستاپ 23 مىڭنان استام ماڭعىستاۋلىق اۋىردى. سونىڭ ٸشٸندە 19 337 ادام 2021 جىلدىڭ باسىنان بەرٸ كوروناۆيرۋسپەن اۋىرعان. ياعني, ناۋقاستانۋ دەڭگەيٸ بىلتىرعىدان 5 ەسە كٶپ. سولاردىڭ ٸشٸندە ستاتسيونارلاردا ەمدەلٸپ شىققانداردىڭ سانى 14 مىڭعا جاقىن. ولاردىڭ ٸشٸندە 89 ادام ۆاكتسينانىڭ بٸرٸنشٸ كومپونەنتٸن الىپ, يممۋنيتەتٸ ۋاقىتىندا قالىپتاسپاي, اۋىرىپ قالعان. ول كٸسٸلەر ەمدەلٸپ شىقتى. ەكٸ كومپونەتٸن دە الىپ اۋىرعان 65 ناۋقاس ستاتسيوناردا ەمدەلدٸ», - دەگەن ەكٸمنٸڭ ورىنباسارى ۆاكتسيناتسييادان كەيٸن ٸندەت جۇقتىرىپ اۋرۋحانعا تٷسكەندەردٸڭ ٸشٸندە ەكپە قۇجاتىن قولدان جاساعان ادام كەزدەسكەنٸن اتادى.
«بٸز وسى ناۋقاستار اراسىندا ەربٸرٸن تەكسەرٸپ, «ەكپەنٸ شىنىمەن الدى ما, ەلدە جالعان پاسپورتى جاساتتى ما» دەگەن ساۋالعا جاۋاپ ٸزدەدٸك. «باسقا ٶڭٸرگە بارىپ كەلدٸم, سوندا ۆاكتسينا العان ەدٸم» دەپ, بٸراق, ٶكٸنٸشكە قاراي, رەانيماتسيياعا تٷسٸپ قايتىس بولعان ازاماتشا بولدى بٸزدە. ەرينە بۇل جەردە ەكٸ جاقتىڭ مەسەلەسٸ بار. ٶزٸمٸز ٶزٸمٸزدٸ الداعانداي بولدىق. ۆاكتسينادان قورىققاننان وسىلاي بولدى», - دەدٸ گٷلميرا قالمۇراتوۆا.
