Mańǵystaýda jalǵan vaktsina pasportyn jasatqan áiel reanimatsiiada kóz jumǵan. Ortalyq kommýnikatsiialar qyzmeti uiymdastyrǵan onlain brifingide BAQ kóilderiniń jalǵan vaktsinatsiiamen kúres týraly saýalyna jaýap bergen Mańǵystaý oblysy ákiminiń orynbasary Gúlmira Qalmuratova osyndai derek keltirdi, dep habarlaidy QazAqparat.
«Vakitsnatsiianyń taza júrýin biz áýel bastan qolǵa aldyq. Búgingi tańda ekpe beketteriniń bárinde baqylaý kameralary ornatylǵan. Negizi Mańǵystaý oblysynda anyqtalǵan derek boiynsha kezinde aqparat berilgen. Politsiia departamentiniń málimet boiynsha Aqtaý qalasyndaǵy №1 emhanada bul fakti tirkelgen. Ókinishke qarai ol iske dárigerlermen men medbikelerdiń qatysy bar bolyp shyqty. Qazir sotqa deiingi tergeý júrip jatyr. Odan basqa faktiler anyqtalǵan joq», - degen ákimdik ókili.
Sondai-aq, ol biyl Mańǵystaý oblysynda COVID-19 indetin juqtyrý kórsetkishi byltyrǵydan 5 artqanyn eske saldy.
«Baǵana da aittym, 2020 jyldan bastap 23 myńnan astam mańǵystaýlyq aýyrdy. Sonyń ishinde 19 337 adam 2021 jyldyń basynan beri koronavirýspen aýyrǵan. Iaǵni, naýqastaný deńgeii byltyrǵydan 5 ese kóp. Solardyń ishinde statsionarlarda emdelip shyqqandardyń sany 14 myńǵa jaqyn. Olardyń ishinde 89 adam vaktsinanyń birinshi komponentin alyp, immýniteti ýaqytynda qalyptaspai, aýyryp qalǵan. Ol kisiler emdelip shyqty. Eki komponetin de alyp aýyrǵan 65 naýqas statsionarda emdeldi», - degen ákimniń orynbasary vaktsinatsiiadan keiin indet juqtyryp aýrýhanǵa túskenderdiń ishinde ekpe qujatyn qoldan jasaǵan adam kezdeskenin atady.
«Biz osy naýqastar arasynda árbirin tekserip, «ekpeni shynymen aldy ma, álde jalǵan pasporty jasatty ma» degen saýalǵa jaýap izdedik. «Basqa óńirge baryp keldim, sonda vaktsina alǵan edim» dep, biraq, ókinishke qarai, reanimatsiiaǵa túsip qaitys bolǵan azamatsha boldy bizde. Árine bul jerde eki jaqtyń máselesi bar. Ózimiz ózimizdi aldaǵandai boldyq. Vaktsinadan qoryqqannan osylai boldy», - dedi Gúlmira Qalmuratova.
