فوتو: gov.kz
قازاقستاندا ەڭ تٶمەنگٸ جالاقىنى كٶتەرۋ مەسەلەسٸ ەلٸ دە تالقىلانۋ ٷستٸندە. ەڭبەك جەنە حالىقتى ەلەۋمەتتٸك قورعاۋ مينيسترلٸگٸ بۇل جٶنٸندە تٷپكٸلٸكتٸ شەشٸم جىل سوڭىنا قاراي جارييالاناتىنىن مەلٸمدەدٸ, دەپ حابارلايدى Ult.kz.
بۇل مەسەلە سەنات وتىرىسىندا ەڭبەك جەنە حالىقتى ەلەۋمەتتٸك قورعاۋ بٸرٸنشٸ ۆيتسە-مينيسترٸ ەربول تۇياقباەۆ تاراپىنان كٶتەرٸلدٸ. ونىڭ ايتۋىنشا, قازٸرگٸ 85 مىڭ تەڭگەلٸك ەڭ تٶمەنگٸ جالاقىنى 150 مىڭ تەڭگەگە دەيٸن ارتتىرۋ تۋرالى ناقتى شەشٸم ەزٸرگە قابىلدانباعان.
ۆيتسە-مينيستردٸڭ سٶزٸنشە, مۇنداي شەشٸم بٸر عانا ۆەدومستۆو دەڭگەيٸندە ەمەس, بيزنەس ٶكٸلدەرٸ, كەسٸپورىندار مەن كەسٸپوداقتاردىڭ قاتىسۋىمەن جان-جاقتى قاراستىرىلۋى تيٸس.
«قازاقستانداعى ەڭ تٶمەنگٸ جالاقى مٶلشەرٸ – 85 مىڭ تەڭگە. بٸز بۇل دەڭگەيگە 5-6 جىل ٸشٸندە جەتتٸك. 2019–2020 جىلدارى ول شامامەن 42 مىڭ تەڭگە بولاتىن. قازٸر قوعامدا ونى كٶتەرۋ تۋرالى ۇسىنىستار جيٸ ايتىلىپ جٷر. الايدا 150 مىڭ تەڭگەگە بٸردەن كٶتەرۋ وڭاي شەشٸم ەمەس. مۇندا ەڭبەك ٶنٸمدٸلٸگٸ, كەسٸپورىنداردىڭ جاعدايى, بيزنەستٸڭ مٷمكٸندٸگٸ سەكٸلدٸ فاكتورلار ەسكەرٸلەدٸ», – دەدٸ ول.
سونىمەن قاتار, ۆيتسە-مينيستر ەلدە شامامەن 9,7 ميلليون ادامنىڭ ەڭبەك ەتەتٸنٸن, ولاردىڭ باسىم بٶلٸگٸ جەكەمەنشٸك سەكتوردا جۇمىس ٸستەيتٸنٸن اتاپ ٶتتٸ. ونىڭ ايتۋىنشا, ەڭ تٶمەنگٸ جالاقىنى كٷرت ٶسٸرۋ كەيبٸر كەسٸپورىنداردا جۇمىس ورىندارىنىڭ قىسقارۋىنا دا ەسەر ەتۋٸ مٷمكٸن.
«ەگەر بيزنەسكە جالاقىنى ەكٸ ەسە كٶتەرۋ تالابىن قويساق, ولار جۇمىس ورىندارىن قىسقارتۋى ىقتيمال. سوندىقتان ەڭ الدىمەن جۇمىس ورىندارىن ساقتاۋ ماڭىزدى», – دەدٸ ەربول تۇياقباەۆ.
مينيسترلٸك بۇل باعىتتا كەسٸپوداقتارمەن, جۇمىس بەرۋشٸلەرمەن جەنە حالىقارالىق ەڭبەك ۇيىمدارىمەن كەڭەس جٷرگٸزٸپ جاتقانىن حابارلادى. قازٸرگٸ تاڭدا تٷرلٸ ۇسىنىستار قاراستىرىلۋدا, ال ناقتى شەشٸم جىل سوڭىندا جارييالانۋى مٷمكٸن.
