جاھاندىق ينفلياتسييا بۇعان دەيٸن بولجانعان ۋاقىتتان دا ۇزاق بولادى. بۇل تۋرالى بٷگٸن ٷكٸمەت وتىرىسىندا قر ۇلتتىق بانكٸ تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«گەوساياسي تەۋەكەلدەردٸڭ ٸسكە اسىرىلۋى, جاھاندىق تاۋار جەتكٸزۋ جولدارى پروبلەمالارىنىڭ شيەلەنٸسۋٸ, ازىق-تٷلٸك پەن ەنەرگييا رەسۋرستارى باعاسىنىڭ ٶسۋٸنە بايلانىستى ەلەمدەگٸ سىرتقى ينفلياتسييالىق قىسىمنىڭ كٷشەيۋٸ, باعامنىڭ ەلسٸرەۋٸ ينفلياتسييانىڭ بارىنشا جوعارى ديناميكاسىنىڭ باستى سەبەبٸنە اينالادى. ۇلتتىق بانك ەل ەكونوميكاسىنا سىرتقى شوك سالدارىنىڭ تارالۋىن الدىن الۋ, تەڭگەگە قىسىمدى تٶمەندەتۋ جەنە تەڭگەدەگٸ اكتيۆتەردٸ قورعاۋ ٸس-شارالارىن قابىلداۋدا. وسى ماقساتتار ٷشٸن بيىلعى جىلعى 24 اقپاندا ۇلتتىق بانك بازالىق ستاۆكانى 13,5 پايىزعا دەيٸن كٶتەردٸ», - دەدٸ عالىمجان پٸرماتوۆ.
ونىڭ اتاپ ٶتۋٸنشە, گەوساياسي احۋال ناشارلاپ, سىرتقى تەۋەكەلدەردٸڭ جٷزەگە اسۋى جاعدايىندا ينفلياتسييا بولجامى جوعارىلاۋ جاعىنا قاراي قايتا قارالۋدا. ينفلياتسييانىڭ 2022-2023 جىلدارداعى نىسانالى دەلٸزدەن جوعارى بولىپ قالىپتاسۋ تەۋەكەلٸ دە ارتىپ وتىر.
«وسى جىلعى اقپان ايىندا جىلدىق ينفلياتسييا بارلىق كومپونەنتتەرٸنٸڭ قىمباتتاۋى اياسىندا 8,5-تەن 8,7 پايىزعا دەيٸن جەدەلدەدٸ. ينفلياتسيياعا ازىق-تٷلٸك تاۋارلارى ٷلكەن ٷلەس قوسادى. ولارعا باعانىڭ ٶسۋٸ 10 پايىزعا دەيٸن نان-توقاش ٶنٸمدەرٸنٸڭ, جارمالاردىڭ, سٷت ٶنٸمدەر مەن كٶكٶنٸستەردٸڭ قىمباتتاۋىنا بايلانىستى جەدەلدەدٸ», - دەدٸ ول.
ۇب تٶراعاسىنىڭ ايتۋىنشا, ازىق-تٷلٸككە جاتپايتىن ينفلياتسييا 8,5-تەن 8,6 پايىزعا دەيٸن ٶستٸ. اقىلى قىزمەتتەر 6,8-دەن 7,1 پايىزعا دەيٸن جەدەلدەدٸ. بۇل بٸرقاتار نارىقتىق قىزمەتتەر باعاسىنىڭ ٶسۋٸنە بايلانىستى.
«ەنەرگييا, مەتالل جەنە اۋىلشارۋاشىلىق ٶنٸمدەرٸ باعاسىنىڭ ٶسۋٸنە بايلانىستى جاھاندىق ينفلياتسييا بۇعان دەيٸن بولجانعان ۋاقىتتان دا ۇزاق مەرزٸم بولادى جەنە ٸشكٸ باعالارعا قىسىم جاسايدى», - دەدٸ ۇلتتىق بانك باسشىسى.
