تارازدا سوت ارنايى اۆتوتۇراقتا تۇرعان جٷك كٶلٸگٸنٸڭ بٶلشەكتەلٸپ كەتۋٸنە بايلانىستى كٷزەت اگەنتتٸگٸنەن 8,6 ميلليون تەڭگەدەن استام ٶتەماقى ٶندٸردٸ, دەپ حابارلايدى ult.kz.
ٸس ماتەريالدارىنا سەيكەس, تالاپ قويۋشىعا تيەسٸلٸ «Volvo FH12» ماركالى جٷك كٶلٸگٸ 2015 جىلى كرەديتتٸك بەرەشەككە بايلانىستى ٶندٸرٸپ الۋ شاراسىنا ٸلٸككەن. ال 2017 جىلى سوت ورىنداۋشىسى كٶلٸككە تىيىم سالىپ, ونى كٷزەت اگەنتتٸگٸنٸڭ قاراۋىنا تاپسىرعان.
الايدا جەتٸ جىلدان استام ۋاقىت ٶتكەن سوڭ كٶلٸكتٸ تەكسەرۋ بارىسىندا ونىڭ تولىقتاي جارامسىز كٷيگە تٷسكەنٸ انىقتالعان. نەگٸزگٸ توراپتارى مەن بٶلشەكتەرٸ جوعالىپ, كٶلٸك ٸس جٷزٸندە بٶلشەكتەلٸپ كەتكەن.
تالاپ قويۋشىنىڭ ايتۋىنشا, كٶلٸكتٸڭ سوت بەلگٸلەگەن قۇنى 9,6 ميلليون تەڭگەدەن 992 مىڭ تەڭگەگە دەيٸن تٶمەندەگەن.
جاۋاپكەر مٷلٸكتٸڭ كەيٸن باسقا كٷزەت ۇيىمىنا بەرٸلگەنٸن العا تارتقانىمەن, بۇل ۋەجدٸ راستايتىن قۇجاتتاردى سوتقا ۇسىنا الماعان.
سوت كٷزەت اگەنتتٸگٸ كٶلٸكتٸڭ ساقتالۋىن قامتاماسىز ەتۋگە مٸندەتتٸ بولعانىن اتاپ ٶتتٸ. نەتيجەسٸندە تالاپ قويۋشىنىڭ پايداسىنا 8,6 ميلليون تەڭگەدەن استام ماتەريالدىق زالال, باعالاۋ شىعىندارى جەنە مەملەكەتتٸك باج ٶندٸرٸلدٸ.
اپەللياتسييالىق ساتى دا بۇل شەشٸمدٸ ٶزگەرٸسسٸز قالدىردى. سوت اكتٸلەرٸ زاڭدى كٷشٸنە ەندٸ.
