Tarazda sot arnaiy avtoturaqta turǵan júk kóliginiń bólshektelip ketýine bailanysty kúzet agenttiginen 8,6 million teńgeden astam ótemaqy óndirdi, dep habarlaidy ult.kz.
Is materialdaryna sáikes, talap qoiýshyǵa tiesili «Volvo FH12» markaly júk kóligi 2015 jyly kredittik bereshekke bailanysty óndirip alý sharasyna ilikken. Al 2017 jyly sot oryndaýshysy kólikke tyiym salyp, ony kúzet agenttiginiń qaraýyna tapsyrǵan.
Alaida jeti jyldan astam ýaqyt ótken soń kólikti tekserý barysynda onyń tolyqtai jaramsyz kúige túskeni anyqtalǵan. Negizgi toraptary men bólshekteri joǵalyp, kólik is júzinde bólshektelip ketken.
Talap qoiýshynyń aitýynsha, kóliktiń sot belgilegen quny 9,6 million teńgeden 992 myń teńgege deiin tómendegen.
Jaýapker múliktiń keiin basqa kúzet uiymyna berilgenin alǵa tartqanymen, bul ýájdi rastaityn qujattardy sotqa usyna almaǵan.
Sot kúzet agenttigi kóliktiń saqtalýyn qamtamasyz etýge mindetti bolǵanyn atap ótti. Nátijesinde talap qoiýshynyń paidasyna 8,6 million teńgeden astam materialdyq zalal, baǵalaý shyǵyndary jáne memlekettik baj óndirildi.
Apelliatsiialyq saty da bul sheshimdi ózgerissiz qaldyrdy. Sot aktileri zańdy kúshine endi.
