ۋكراينا پرەزيدەنتٸ ۆلاديمير زەلەنسكيي گرۋزييانىڭ بۇرىنعى پرەزيدەنتٸ ميحايل سااكاشۆيليگە ۋكراينا پرەمەر-مينيسترٸنٸڭ رەفورمالار جٶنٸندەگٸ ورىنباسارى بولۋدى ۇسىندى. بۇل تۋرالى سااكاشۆيلي 22 سەۋٸردە Facebook پاراقشاسىندا حابارلادى.
سااكاشۆيلي بۇل مەسەلەنٸ ۋكراينا پرەمەر-مينيسترٸ دەنيس شمىگالمەن تالقىلاپ قويعانىن دا ايتتى. گرۋزييانىڭ بۇرىنعى پرەزيدەنتٸ بۇل ۇسىنىستى "ٷلكەن ابىروي" دەپ اتاعان. سايلاۋ كەزٸندە ۆلاديمير زەلەنسكييدٸ قولداعانىن ەسكە تٷسٸرٸپ, ونىڭ كومانداسىن ماقتاعان.
سااكاشۆيليگە ۇسىنىس تۋرالى اقپاراتتى بٸرٸنشٸ بولىپ پرەزيدەنتتٸك "سلۋگا نارودا" پارتيياسىنداعى اقپارات كٶزٸنە سٸلتەمە جاساعان "نوۆوە ۆرەميا" سايتى حابارلاعان. "سلۋگا نارودا" فراكتسيياسى جەتەكشٸسٸنٸڭ ورىنباسارى ەۆگەنييا كراۆچۋك باسىلىمعا سااكاشۆيليدٸڭ دەپۋتاتتارمەن كەزدەسٸپ, وسى جۇمادا (24 سەۋٸر) باعدارلاماسىن تانىستىراتىنىن ايتقان.
2015 جىلى سااكاشۆيلي ۋكراينا ازاماتتىعىن الىپ, سول كەزدەگٸ پرەزيدەنت پەتر پوروشەنكونىڭ جارلىعىمەن ودەسسا وبلىسىنىڭ باسشىلىعىنا تاعايىندالعان بولاتىن. وسىدان كەيٸن گرۋزييا «قوس ازاماتتىققا جول بەرٸلمەيدٸ» دەگەن ۋەجبەن سااكاشۆيليدٸ گرۋزييا ازاماتتىعىنان ايىردى.
پوروشەنكو پەن سااكاشۆيلي قاتىناسى 2016 جىلى جەمقورلىقپەن كٷرەس جەنە رەفورما جاساۋ تۋرالى باستامالاردان كەيٸن بۇزىلىپ, قاراشا ايىندا سااكاشۆيلي قىزمەتٸنەن بوساتىلدى. 2017 جىلى شٸلدە ايىندا سااكاشۆيلي «جاڭا كٷشتەر رۋحى» (ۋكراين تٸلٸندە: رۋح نوۆيح سيل – رەد.) دەپ اتالاتىن وپپوزيتسييالىق پارتييا قۇرعان سوڭ پوروشەنكونىڭ جارلىعىمەن ۋكراينا ازاماتتىعىنان ايىرىلعان.
بىلتىر مامىر ايىندا ۋكراينانىڭ جاڭا پرەزيدەنتٸ ۆلاديمير زەلەنسكيي سااكاشۆيليگە ۋكراينا ازاماتتىعىن قايتارىپ بەرگەن ەدٸ.
سااكاشۆيليدٸڭ كانديداتۋراسىن جوعارعى رادا ماقۇلداۋى تيٸس. 24 سەۋٸردە پلەنارلىق وتىرىس كەزٸندە وسى مەسەلە تالقىلانادى دەپ ايتىلادى.
