ماريۋپولدەگٸ "ازوۆستال" زاۋىتىندا قورشاۋدا قالعان ۋكراينا جاۋىنگەرلەرٸن ەۆاكۋاتسييالاپ جاتىر. بۇل جٶنٸندە Reuters اگەنتتٸگٸ حابارلاپ, بٸرنەشە فوتوسۋرەت جارييالادى. اقپاراتتى ۋكراينا قارۋلى كٷشتەرٸنٸڭ باس شتابى راستادى.
"ازوۆستالدەن" بارلىعى 264 ادام شىققان, ونىڭ 53-ٸ جارالى جاۋىنگەر" دەيدٸ باس شتاب. Reuters مەلٸمەتٸنە قاراعاندا, ولاردى نوۆوازوۆسك قالاسىنا جەتكٸزگەن. بۇل قالا رەسەي قولدايتىن سەپاراتيستەر باقىلاۋىندا تۇر. جارالى جاۋىنگەرلەردٸڭ نوۆوازوۆسكٸگە اپارىلاتىنىن بۇعان دەيٸن رەسەي قورعانىس مينيسترلٸگٸ دە حابارلاعان بولاتىن.
قالعان 211 جاۋىنگەردٸ گۋمانيتارلىق دەلٸز ارقىلى سەپاراتيستٸك "دحر" باقىلاۋىنداعى ەلەنوۆكاعا الىپ كەتكەن.
ۋكراينا جاۋىنگەرلەرٸ تۇتقىنعا الىندى ما, جوق پا دەگەن مەسەلە ايتىلمادى. ۋكراينا قورعانىس مينيسترٸنٸڭ ورىنباسارى اننا مالياردىڭ سٶزٸنشە, "ولاردى رەسەي تۇتقىندارىنا ايىرباستاۋى مٷمكٸن".
ۋكراينا پرەزيدەنتٸ ۆلاديمير زەلەنسكيي ماريۋپولدەگٸ ەۆاكۋاتسييا تۋرالى: "ۋكراينا ەسكەري قىزمەتكەرلەرٸنٸڭ – ۋكراينا قارۋلى كٷشتەرٸ مەن بارلاۋىنىڭ, كەلٸسسٶز توبىنىڭ, حالىقارالىق قىزىل كرەست كوميتەتٸ مەن بۇۇ-نىڭ ارقاسىندا جٷزەگە استى. جاۋىنگەرلەرٸمٸزدٸڭ ٶمٸرٸن ساقتاپ قالۋدىڭ سەتٸ تٷسەدٸ دەپ ٷمٸتتەنەمٸز. بٸزگە ۋكراينا باتىرلارىنىڭ تٸرٸ بولعانى كەرەك. بۇل - بٸزدٸڭ پرينتسيپٸمٸز. مەنٸڭشە, مۇنى اقىل-ەسٸ تٷزۋ ەربٸر ادام تٷسٸنەدٸ", - دەدٸ.
دٷيسەنبٸ كٷنٸ ۋكراينانىڭ "ازوۆ" پولكٸنٸڭ كومانديرٸ دەنيس پروكوپەنكو "ماريۋپول گارنيزونى جوعارى ەسكەري باسشىلىق بەكٸتكەن شەشٸمدٸ ورىندايتىنىن جەنە ۋكراينا حالقى قولدايدى دەپ ٷمٸتتەنەتٸنٸن" ۆيدەوٷندەۋمەن جارييالاعان.
بۇعان دەيٸن رەسەي قورعانىس مينيسترلٸگٸ ماريۋپولدەگٸ "ازوۆستال" قورشاۋىندا قالعان ۋكراينانىڭ جارالى جاۋىنگەرلەرٸن ەۆاكۋاتسييالاۋ جٶنٸندە ۋكراينامەن كەلٸسٸمگە كەلگەنٸن مەلٸمدەگەن ەدٸ. مۇنداي كەلٸسٸم بولعانىن سەپاراتيست كومانديرلەردٸڭ بٸرٸ الەكساندر حوداكوۆسكيي دە حابارلاعان.
- ماريۋپول قالاسى رەسەي ەسكەرٸنٸڭ باقىلاۋىنا ٶتكەنٸمەن "ازوۆستال" زاۋىتىن ەلٸ كٷنگە ۋكراينا جاۋىنگەرلەرٸ بەرمەي وتىرعان. ۋكراينا باسشىلىعى سەكٸلدٸ ولار دا "ازوۆستالدەن" تىم بولماعاندا جارالى جاۋىنگەرلەردٸ ەۆاكۋاتسييالاۋعا مٷمكٸندٸك بەرۋگە شاقىرعان. رەسەي ولار بەرٸلٸپ, تۇتقىنعا تٷسۋگە تيٸس دەگەن تالاپ قويعان.
