قاراقشىلىق پەن ۇرلىق جاساعانى ٷشٸن سوتتالعان, كەيٸن جازاسىن ٶتەۋدەن جالتارىپ, ٸزدەۋگە جارييالانعان قازاقستاندىق ەيەل رەسەي فەدەراتسيياسىنان قازاقستانعا ەكستراديتسييالاندى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, قاراعاندى قالاسىنىڭ ەليحان بٶكەيحان اۋداندىق سوتى 2024 جىلعى 10 مامىرداعى ٷكٸمٸمەن ەيەلدٸ الدىن الا سٶز بايلاسقان ادامدار توبىمەن قاراقشىلىق جاساپ, بٶتەننٸڭ مٷلكٸن ۇرلاعانى ٷشٸن كٸنەلٸ دەپ تانىعان. وعان 3 جىل مەرزٸمگە باس بوستاندىعىن شەكتەۋ جازاسى تاعايىندالعان.
الايدا سوتتالعان ازاماتشا پروباتسييالىق باقىلاۋدا جٷرگەنٸنە قاراماستان, 2025 جىلعى ناۋرىزدا جازاسىن ٶتەۋدەن جالتارىپ كەتكەن. وسىعان بايلانىستى سوت باس بوستاندىعىن شەكتەۋدٸڭ ٶتەلمەگەن 1 جىل 4 اي 7 كٷن مەرزٸمٸن باس بوستاندىعىنان ايىرۋ جازاسىنا اۋىستىرىپ, وعان حالىقارالىق ٸزدەۋ جارييالاعان.
2025 جىلعى قاراشادا ەيەل رەسەي اۋماعىندا ۇستالدى. قازاقستان رەسپۋبليكاسى باس پروكۋراتۋراسىنىڭ سۇراۋى نەگٸزٸندە ول قازاقستانعا ەكستراديتسييالاندى.
قازٸرگٸ ۋاقىتتا سوتتالعان ازاماتشا جازاسىن ودان ەرٸ ٶتەۋ ٷشٸن تەرگەۋ يزولياتورىنا قامالدى.
