Qaraqshylyq pen urlyq jasaǵany úshin sottalǵan, keiin jazasyn óteýden jaltaryp, izdeýge jariialanǵan qazaqstandyq áiel Resei Federatsiiasynan Qazaqstanǵa ekstraditsiialandy, dep habarlaidy ult.kz.
Bas prokýratýranyń málimetinshe, Qaraǵandy qalasynyń Álihan Bókeihan aýdandyq soty 2024 jylǵy 10 mamyrdaǵy úkimimen áieldi aldyn ala sóz bailasqan adamdar tobymen qaraqshylyq jasap, bótenniń múlkin urlaǵany úshin kináli dep tanyǵan. Oǵan 3 jyl merzimge bas bostandyǵyn shekteý jazasy taǵaiyndalǵan.
Alaida sottalǵan azamatsha probatsiialyq baqylaýda júrgenine qaramastan, 2025 jylǵy naýryzda jazasyn óteýden jaltaryp ketken. Osyǵan bailanysty sot bas bostandyǵyn shekteýdiń ótelmegen 1 jyl 4 ai 7 kún merzimin bas bostandyǵynan aiyrý jazasyna aýystyryp, oǵan halyqaralyq izdeý jariialaǵan.
2025 jylǵy qarashada áiel Resei aýmaǵynda ustaldy. Qazaqstan Respýblikasy Bas prokýratýrasynyń suraýy negizinde ol Qazaqstanǵa ekstraditsiialandy.
Qazirgi ýaqytta sottalǵan azamatsha jazasyn odan ári óteý úshin tergeý izoliatoryna qamaldy.
