باسپاناسى بار ادامدى باسپاناسىزعا اينالدىرۋ - قىلمىس. مۇنداي پٸكٸردٸ «قازاقستانداعى پارلامەنتاريزمدٸ دامىتۋ قورى» قوعامدىق قورىنىڭ پرەزيدەنتٸ زەۋرەش باتتالوۆا بٸلدٸردٸ, دەپ حابارلايدى قازاقپارات.
«بٷگٸندە ەلٸمٸزدە كٶپتەگەن ازاماتتىڭ باسپاناسىز جٷرگەنٸن كٶرٸپ وتىرمىز. كوروناۆيرۋس ٸندەتٸ كەزٸندە جاعداي ودان ارى مٷشكٸل بولا تٷستٸ. جالعىز عانا باسپاناسى بار ادامداردى پەتەرٸنەن قالاي ايىرماقپىز? قازٸرگٸ ۋاقىتتا قازاقستاندا باسپاناسىزدىق ارتىپ بارادى. بيزنەس نىساندار سالامىز دەپ جەرٸن تارتىپ العان كەزدە ازاماتتار باسپاناسىنان ايىرىلادى. نە بولماسا بانك كرەديتٸن تٶلەي الماي پەتەرٸنەن ايىرىلىپ قالادى. ٷلەسكەرلٸك قۇرىلىسقا قاتىسامىن دەپ باسپاناسىز قالعاندار دا بار. پايدالۋعا بەرٸلگەن ٷيٸنە كٸرٸپ, ارتىنان ودان ايىرىلىپ قالعان ادامدار دا كەزدەسەدٸ. بۇل - اقىلعا سىيمايتىن دٷنيە. باسپاناسى بار ادامدى باسپاناسىزعا اينالدىرۋ - قىلمىس دەپ سانايمىن. سوندىقتان قازاقستانداعى پارلامەنتاريزمدٸ دامىتۋ قورى تۇرعىن ٷي مەسەلەسٸنە ارنالعان زاڭعا ٶزگەرٸس ەنگٸزۋدٸ تالاپ ەتٸپ وتىر. سول ٶزگەرٸستەردٸڭ بٸرٸندە ادامداردىڭ باسپاناسى بوستان بوسقا الىنباۋى تيٸستٸگٸ كٶزدەلگەن», - دەدٸ زەۋرەش باتتالوۆا.
ونىڭ ايتۋىنشا, حالىقارالىق ستاندارتقا سەيكەس, بالاما پەتەر بەرمەيٸنشە نەمەسە نارىقتىق قۇنىن ٶتەمەيٸنشە ازاماتتى باسپاناسىنان مەجبٷرلەپ شىعارۋعا بولمايدى.
«بۇل زاڭ جوباسىن ٶتكەن جىلى باستاپ, وسى جىلدىڭ ماۋسىمىندا اياقتاعان ەدٸك. بٸراق, كوروناۆيرۋس ٸندەتٸ ۋاقىتتى ۇزارتىپ جٸبەردٸ. دەگەنمەن, 1 قىركٷيەكتە پرەزيدەنت ٶز جولداۋىندا تۇرعىن ٷي مەسەلەلەرٸ جٶنٸندەگٸ زاڭناماعا ٶزگەرٸستەر ەنگٸزۋگە تاپسىرما بەردٸ. سوندىقتان بٸز وسىدان ەكٸ كٷن بۇرىن اقپارات جەنە قوعامدىق دامۋ مينيسترلٸگٸنە قاراستى كوميتەتپەن كەزدەسكەن ەدٸك. ولار بٷگٸندە وسى تۇرعىن ٷي مەسەلەسٸ جٶنٸندەگٸ زاڭدارعا ٶزگەرٸستەر دايىنداۋعا كٸرٸستٸ. بٸز ولارمەن كەلٸستٸك, ۇسىنىستارىمىزدى جٸبەرەمٸز. دەل «بٸزدٸڭ زاڭىمىز ٶتسٸن« دەمەيمٸز. بٸز ەزٸرلەگەن زاڭداعى نورمالار باسقا زاڭدارعا ەنگٸزٸلسە دە قاناعاتتانامىز», - دەدٸ ول.
ال قازاقستان كوممۋنيستٸك حالىق پارتيياسى ورتالىق كوميتەتٸنٸڭ حاتشىسى جامبىل احمەتبەكوۆ زاڭ جوباسىن پارلامەنت قاراۋىنا ەنگٸزۋ پروتسەدۋراسىنىڭ ۇزاققا سوزىلۋى مٷمكٸن ەكەندٸگٸن ايتادى.
«زاڭ جوباسى ەڭ الدىمەن ساراپتاماعا جٸبەرٸلەدٸ. وعان قاراجات قاجەت بولادى. قاراجات ٷكٸمەت تاراپىنان بٶلٸنۋٸ كەرەك. ودان كەيٸن وڭ شەشٸم قابىلدانىپ جاتسا, زاڭ جوباسى ٷكٸمەت تاراپىنان قارالىپ, قورىتىندىسى شىعىپ, پارلامەنتكە تٷسەدٸ. بۇل ۇزاق ۋاقىتتا تالاپ ەتەتٸن جۇمىس», - دەدٸ ول.
