فوتو: Polisia.kz
پاۆلودار وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ “براكونەر” جەدەل-پروفيلاكتيكالىق ٸس-شاراسىن ٶتكٸزۋ بارىسىندا 515 كەلٸ زاڭسىز اۋلانعان بالىق پەن 2,5 توننا ارتەمييا-سالينا شايانىن تەركٸلەدٸ, – دەپ حابارلايدى Polisia.kz.
پورتال مەلٸمەتٸنشە, پاۆلودار قالاسىندا 35 جاستاعى جەرگٸلٸكتٸ تۇرعىننىڭ باسقارۋىمەن Mitsubishi Montero Sport اۆتوكٶلٸگٸ توقتاتىلدى. اۆتو سالونىن قاراۋ كەزٸندە جەدەل قىزمەتكەرلەر جالپى سالماعى 515 كەلٸ بولاتىن 23 قاپ بالىق (مٶڭكە, سازان) تاۋىپ الىپ, تەركٸلەدٸ. جٷرگٸزۋشٸدە بالىق اۋلاۋعا رۇقسات بەرەتٸن قۇجاتتار بولعان جوق. انىقتالعانداي, تۇرعىن پاۆلودار وبلىسىنداعى كٶلدەردٸڭ بٸرٸندە بالىقتى زاڭسىز اۋلاعان.
باسقا جاعدايدا, 3 قىركٷيەكتە رەيدتٸك ٸس-شارالار بارىسىندا پوليتسەيلەر پاۆلودار قالاسىنىڭ تۇرعىنىن ۇستاعان, ونىڭ گازەل كٶلٸگٸنەن جالپى سالماعى 2,5 توننادان اساتىن 53 قاپ ارتەمييا-سالينا شايانى تابىلعان.
"وسى فاكتٸلەر بويىنشا قازاقستان رەسپۋبليكاسى قك-نٸڭ 335-بابى (بالىق رەسۋرستارىن, باسقا دا سۋ جانۋارلارىن نەمەسە ٶسٸمدٸكتەرٸن زاڭسىز ٶندٸرۋ) بويىنشا سوتقا دەيٸنگٸ تەرگەپ-تەكسەرۋ باستالدى. تيٸستٸ ساراپتامالار تاعايىندالدى, ولاردىڭ نەتيجەلەرٸ بويىنشا مەملەكەتكە كەلتٸرٸلگەن زالال انىقتالادى", – دەدٸ پاۆلودار وبلىسى پد ۇيىمداسقان قىلمىسقا قارسى كٷرەس باسقارماسىنىڭ باستىعى عابيت قابدراحمانوۆ.
قازاقستان رەسپۋبليكاسى كونستيتۋتسيياسىنىڭ 77-بابى 3-تارماعىنىڭ 1-تارماقشاسىنا, قازاقستان رەسپۋبليكاسى قىلمىستىق ٸس جٷرگٸزۋ كودەكسٸنٸڭ 19-بابى 1-بٶلٸگٸنە سەيكەس ادام, ونىڭ كٸنەسٸ سوتتىڭ زاڭدى كٷشٸنە ەنگەن ٷكٸمٸمەن تانىلعانعا دەيٸن قىلمىس جاساعانى ٷشٸن كٸنەلٸ ەمەس دەپ ەسەپتەلەدٸ.
