قازاقستاننىڭ حالىق ەرتٸسٸ روزا رىمباەۆا كەلٸنٸ اقەركە بٷركٸتبايدىڭ وتباسىنداعى قۋانىشقا ورتاقتاسىپ, جاڭا قۇدالارىمەن تانىستى. اقەركەنٸڭ سٸڭلٸسٸ ۇزاتىلىپ, ەۋلەت دٷبٸرلٸ توي ٶتكٸزدٸ, دەپ حابارلايدى ult.kz.
قۋانىشتى جاڭالىقتى اقەركە بٷركٸتباي ەلەۋمەتتٸك جەلٸدەگٸ پاراقشاسىندا بٶلٸستٸ. ول سٸڭلٸسٸنٸڭ ۇزاتۋ تويىنا ارنايى كەلگەن قوناقتارعا العىسىن بٸلدٸرٸپ, اق تٸلەگٸن جەتكٸزدٸ.
"اقيٸسٸمٸزدٸ ۇزاتتىق. ارنايى كەلٸپ, قۋانىشىمىزدى بٶلٸسكەن بارشا قوناقتارىمىزعا شىن جٷرەكتەن ٷلكەن العىسىمىزدى بٸلدٸرەمٸز! تويدىڭ باسىنان اياعىنا دەيٸن بٸرگە بولىپ, اق تٸلەكتەرٸڭٸزدٸ ايتىپ, اتسالىسىپ, تويىمىزدىڭ كٶركٸن قىزدىرعاندارىڭىزعا مىڭ العىس. ەربٸر جىلى لەبٸزدەرٸڭٸز بەن اق باتالارىڭىز بٸز ٷشٸن ٶتە قىمبات", – دەپ جازدى اقەركە بٷركٸتباي.
سالتاناتتى كەشكە روزا رىمباەۆا دا ارنايى قاتىسقان. ەنشٸ كەلٸنٸنٸڭ تٶركٸنٸمەن بٸرگە قۋانىشتى سەتتٸ بٶلٸسٸپ, جاس جۇبايلارعا اق باتاسىن بەردٸ. وسىلايشا, ٶنەر يەسٸ كەلٸنٸ جاعىنان جاڭا قۇدالارىمەن تانىسىپ, ەكٸ ەۋلەتتٸڭ قۋانىشىنا كۋە بولدى.
ايتا كەتەيٸك, اقەركە بٷركٸتباي – ەنشٸ ەلي وقاپوۆتىڭ جارى. جۇلدىزدى ەۋلەتتٸڭ كەلٸنٸ ەلەۋمەتتٸك جەلٸدە وتباسى ٶمٸرٸنەن تٷرلٸ سەتتەردٸ بٶلٸسٸپ وتىرادى.
روزا رىمباەۆا كٸم?
روزا قۋانىشقىزى رىمباەۆا – قازاق ەستراداسىنىڭ ەڭ تانىمال ٶكٸلدەرٸنٸڭ بٸرٸ, قازاقستاننىڭ حالىق ەرتٸسٸ.
ول 1957 جىلى 28 قازاندا قازٸرگٸ اباي وبلىسى اۋماعىنداعى جاڭعىزتٶبە ەلدٸ مەكەنٸندە دٷنيەگە كەلگەن.
ەنشٸ كەسٸبي ٶنەر جولىن 1970-جىلدارى باستاعان. العاشىندا "گٷلدەر", كەيٸن "اراي" ەسترادالىق انسامبلدەرٸندە سوليست بولدى.
روزا رىمباەۆا كەڭ كٶلەمدە 1977 جىلى بولگارييادا ٶتكەن حالىقارالىق "التىن ورفەي" فەستيۆالٸندە گران-پري يەلەنگەننەن كەيٸن تانىلا تٷستٸ.
بۇل جەڭٸس سول كەزەڭدەگٸ قازاق جەنە كەڭەس ەستراداسى ٷشٸن ٷلكەن جەتٸستٸك سانالدى.
ونىڭ ورىنداۋىنداعى "ەلييا" ەنٸ ەنشٸنٸڭ شىعارماشىلىق جولىنداعى باستى تۋىندىلاردىڭ بٸرٸنە اينالدى. سونداي-اق "اتامەكەن", "وتانداستار",
"بٸر بالا", "سەۋلەم-اي", "كۋە بول", "نازقوڭىر", "جاڭبىرلى تٷن" سەكٸلدٸ ەندەرٸ حالىق اراسىندا كەڭ تارادى.
روزا رىمباەۆا 22 جاسىندا قازاق كسر-ٸنٸڭ ەڭبەك سٸڭٸرگەن ەرتٸسٸ اتاندى.
29 جاسىندا وعان قازاق كسر-ٸنٸڭ حالىق ەرتٸسٸ اتاعى بەرٸلدٸ.
ول قازاقستان رەسپۋبليكاسىنىڭ مەملەكەتتٸك سىيلىعىنىڭ لاۋرەاتى.
ەنشٸ "قۇرمەت" جەنە "پاراسات" وردەندەرٸمەن ماراپاتتالعان. سونداي-اق روزا رىمباەۆاعا "قازاقستاننىڭ ەڭبەك ەرٸ" جوعارى اتاعى بەرٸلگەن.
ول تەك ەنشٸ رەتٸندە ەمەس, كينواكتريسا جەنە ۇستاز رەتٸندە دە تانىلعان.
روزا رىمباەۆا – پروفەسسور, بٸرنەشە بۋىن جاس ورىنداۋشىلاردىڭ قالىپتاسۋىنا ٷلەس قوسقان ٶنەر قايراتكەرٸ.
2020 جىلى وعان الماتى قالاسىنىڭ قۇرمەتتٸ ازاماتى اتاعى بەرٸلدٸ. سونداي-اق ول شىعىس قازاقستان وبلىسىنىڭ قۇرمەتتٸ ازاماتى اتانعان.
2024 جىلى روزا رىمباەۆاعا قىرعىز رەسپۋبليكاسىنىڭ حالىق ەرتٸسٸ اتاعى بەرٸلدٸ.
ٶنەر يەسٸنٸڭ ۇلدارى ەلي وقاپوۆ پەن مەدي رىمباەۆتا شىعارماشىلىق سالادا ەڭبەك ەتٸپ جٷر.
جارتى عاسىردان استام ۋاقىت ساحنادا جٷرگەن روزا رىمباەۆا بٷگٸندە قازاق ەستراداسىنىڭ سيمۆولىنا اينالعان ٶنەر قايراتكەرلەرٸنٸڭ بٸرٸ.
