قازاقستان رەسپۋبليكاسى ٶنەركەسٸپ جەنە قۇرىلىس مينيسترٸ ەرسايىن ناعاسپاەۆ جامبىل وبلىسىندا «ەۋروحيم» كٷكٸرت قىشقىلى زاۋىتىن ٸسكە قوسۋ رەسٸمٸنە قاتىستى, دەپ حابارلايدى ult.kz.
جاڭا كەسٸپورىننىڭ ٶندٸرٸستٸك قۋاتى جىلىنا 800 مىڭ توننا كٷكٸرت قىشقىلىن ٶندٸرۋگە جەتەدٸ. بۇل ٶنٸم اۋىل شارۋاشىلىعى, ەنەرگەتيكا, مەتاللۋرگييا, ماشينا جاساۋ جەنە باسقا دا سالالاردا كەڭٸنەن قولدانىلادى.
زاۋىتتىڭ اشىلۋى نەتيجەسٸندە 330 جاڭا جۇمىس ورنى قۇرىلدى.اتالعان ٶندٸرٸس ورنى جىلىنا 1 ملن تونناعا دەيٸن مينەرالدى تىڭايتقىشتار مەن ٶنەركەسٸپتٸك ٶنٸم شىعارۋعا مٷمكٸندٸك بەرەتٸن جوعارى تەحنولوگييالىق حيمييا كلاستەرٸن قۇرۋعا باعىتتالعان اۋقىمدى يندۋسترييالىق جوبانىڭ بٸر بٶلٸگٸ سانالادى. «ەۋروحيم» حالىقارالىق كومپانيياسىنىڭ بۇل جوباعا سالعان ينۆەستيتسيياسىنىڭ جالپى كٶلەمٸ 1 ملرد اقش دوللارىن قۇرايدى.
«جوبا مەملەكەت باسشىسىنىڭ ەلٸمٸزدٸڭ ەكونوميكالىق دەربەستٸگٸن قامتاماسىز ەتۋ جەنە ٶڭدەۋ ٶنەركەسٸبٸن دامىتۋ, ەكونوميكانى ەرتاراپتاندىرۋ بويىنشا العا قويعان ستراتەگييالىق مٸندەتتەرٸن ورىنداۋعا قاتىستى اتقارىلىپ جاتقان جۇمىستاردىڭ بٸر مىسالى. جوعارى تەحنولوگييالىق ٶندٸرٸستەردٸ ٸسكە قوسۋ – ەكٸ ەل اراسىنداعى ٶنەركەسٸپتٸك ىنتىماقتاستىق پەن ستراتەگييالىق ەرٸپتەستٸكتٸڭ نىعايۋىنىڭ جارقىن ٷلگٸسٸ. جوبا تولىق قۋاتىنا شىققان كەزدە قازاقستان ەكونوميكاسىنىڭ دامۋىنا ەلەۋلٸ ٷلەس قوساتىنىنا سەنٸمدٸمٸن», – دەپ اتاپ ٶتتٸ ەرسايىن ناعاسپاەۆ.
حيمييا كەشەنٸ جوباسىنىڭ ٷشٸنشٸ كەزەڭٸ اياسىندا بٷگٸندە تيٸستٸ جۇمىستاردىڭ 70 پايىزدان استامى ورىندالعان. جوبانى تولىق قۋاتقا شىعارۋ كەلەسٸ جىلدىڭ باسىنا جوسپارلانىپ وتىر. بارلىق ٶندٸرٸستٸك جەلٸلەر ٸسكە قوسىلعاننان كەيٸن حيمييا ٶنەركەسٸبٸ مەن اگروٶنەركەسٸپ كەشەنٸنٸڭ دامۋىنا سەرپٸن بەرەدٸ, سونداي-اق 1200 تۇراقتى جۇمىس ورنى اشىلادى.
