قازاقستان اۋماعىندا جۇمىس ٸستەيتٸن TikTok, YouTube جەنە ٶزگە دە تسيفرلىق پلاتفورمالار ۇلتتىق زاڭناما تالاپتارىن, ونىڭ ٸشٸندە جاساندى ينتەللەكت كٶمەگٸمەن جاسالعان كونتەنتكە قاتىستى نورمالاردى ساقتاۋعا مٸندەتتٸ. بۇل تۋرالى قر جاساندى ينتەللەكت جەنە تسيفرلىق دامۋ ۆيتسە-مينيسترٸ باقتييار مۇحامەتقاليەۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, زاڭ تالاپتارى تەك كونتەنت اۆتورلارىنا عانا ەمەس, قازاقستاندا قىزمەت كٶرسەتەتٸن بارلىق تسيفرلىق پلاتفورمالارعا دا قولدانىلادى.
– TikTok قازاقستاندا رەسمي تٷردە جۇمىس ٸستەيدٸ. كەيبٸر پلاتفورمالاردىڭ ەلٸمٸزدە كەڭسەسٸ بولماۋى مٷمكٸن. سوعان قاراماستان, ولار زاڭدى تۇلعا رەتٸندە قازاقستان زاڭناماسىنىڭ تالاپتارىن ورىنداۋعا مٸندەتتٸ, – دەدٸ ۆيتسە-مينيستر.
باقتييار مۇحامەتقاليەۆ جاساندى ينتەللەكت ارقىلى جاسالعان كونتەنتتٸ تاڭبالاۋ تەك سايلاۋ ناۋقانى كەزٸندە عانا ەمەس, كٷندەلٸكتٸ اقپاراتتىق كەڭٸستٸكتە دە ماڭىزدى ەكەنٸن اتاپ ٶتتٸ. ونىڭ سٶزٸنشە, سوڭعى ۋاقىتتا جي كٶمەگٸمەن دايىندالعان جالعان اقپارات پەن ينتەرنەت-الاياقتىق ەرەكەتتەرٸنٸڭ سانى ارتىپ كەلەدٸ.
ايتا كەتەيٸك, بٷگٸن قازاقستاننىڭ ستراتەگييالىق زەرتتەۋلەر ينستيتۋتى (قسزي) الاڭىندا سايلاۋالدى كەزەڭدەگٸ جاساندى ينتەللەكتٸنٸڭ رٶلٸ, تسيفرلىق تەحنولوگييالاردىڭ ىقپالى جەنە فەيك اقپاراتپەن كٷرەس مەسەلەلەرٸ تالقىلانىپ جاتىر.
