فوتو: ەل-فارابي اتىنداعى قازۇۋ-دىڭ باسپاسٶز قىزمەتٸ

فارابي كٸتاپحاناسىندا «يادرولىق عىلىم جەنە تەحنولوگييالار» اتتى V حالىقارالىق عىلىمي فورۋمى باستالدى. اۋقىمدى شاراعا ەلەمنٸڭ 15 ەلٸنەن 300-گە جۋىق جەتەكشٸ عالىمدار, ينجەنەرلەر مەن يادرولىق تەحنولوگييالار سالاسىنداعى ساراپشىلار جينالدى.

فورۋم قازاقستاننىڭ عىلىمي-بٸلٸم بەرۋ ٶمٸرٸندەگٸ ماڭىزدى ٸس-شاراعا اينالدى, ونىڭ يادرولىق فيزيكا جەنە يادرولىق تەحنولوگييالار سالاسىنداعى وزىق زەرتتەۋلەردٸ دامىتۋعا جەنە قولداۋعا دەگەن ۇمتىلىسىن كٶرسەتتٸ.

پلەنارلىق وتىرىستىڭ اشىلۋىندا قر ەم يادرولىق فيزيكا ينستيتۋتىنىڭ (يافي) باس ديرەكتورى سايابەك ساحيەۆ, قر عجبم ۆيتسە-مينيسترٸ دارحان احمەت-زاكي, قازۇۋ-دىڭ عىلىمي-يننوۆاتسييالىق جۇمىس جٶنٸندەگٸ پرورەكتورى جەميلا ايتجانوۆا جەنە ت.ب. سٶز سٶيلەدٸ.

يافي باس ديرەكتورى سايابەك ساحيەۆ ٶز سٶزٸندە يادرولىق زەرتتەۋلەر سالاسىنداعى حالىقارالىق ىنتىماقتاستىقتىڭ ماڭىزدىلىعىن اتاپ ٶتتٸ. ول قازاقستاننىڭ يادرولىق عىلىمدى ودان ەرٸ دامىتۋ ٷشٸن, ونىڭ ٸشٸندە بٸرەگەي تابيعي رەسۋرستار مەن قۋاتتى عىلىمي بازانىڭ ارقاسىندا وراسان زور ەلەۋەتكە يە ەكەنٸن اتاپ ٶتتٸ.

ۆيتسە-مينيستر د.احمەت-زاكي يادرولىق زەرتتەۋلەردٸ قولداۋداعى مەملەكەتتٸڭ رٶلٸنە جەنە ولاردىڭ ەلدٸڭ بولاشاعى ٷشٸن ماڭىزدىلىعىنا نازار اۋداردى. ول يادرولىق عىلىم مەن تەحنولوگييالاردى دامىتۋ قازاقستاننىڭ مەملەكەتتٸك عىلىمي ساياساتىنىڭ, ەسٸرەسە ورنىقتى ەنەرگەتيكالىق بولاشاق پەن ەكولوگييالىق قاۋٸپسٸزدٸك كونتەكسٸندەگٸ باسىم باعىتتارىنىڭ بٸرٸ بولىپ تابىلاتىنىن اتاپ ٶتتٸ. ۆيتسە-پرەمەر سونداي-اق قازاقستان ماگاتە سيياقتى حالىقارالىق ۇيىمدار اياسىنداعى جۇمىستى قوسا العاندا, حالىقارالىق عىلىمي جوبالارعا بەلسەندٸ قاتىساتىنىن اتاپ ٶتتٸ.

سونداي-اق قازۇۋ-دىڭ عىلىمي-يننوۆاتسييالىق جۇمىس جٶنٸندەگٸ پرورەكتورى جەميلا ايتجانوۆا سٶز سٶيلەپ, قازۇۋ-دىڭ ەلدەگٸ يادرولىق فيزيكانى دامىتۋداعى باستى رٶلٸن اتاپ ٶتتٸ: «قازۇۋ 60 جىلدان استام ۋاقىت بويى يادرولىق سالادا كادرلار دايارلاپ كەلەدٸ. بارلىق ۋاقىتتا تەك قازاقستاندا عانا ەمەس, بٷكٸل ەلەمنٸڭ جەتەكشٸ عىلىمي-بٸلٸم بەرۋ ورتالىقتارىندا (CERN, RIKEN, ويياي, KIT, اقش, فرانتسييا, گەرمانييا, جاپونييا جەنە رەسەي ۋنيۆەرسيتەتتەرٸ) جەنە حالىقارالىق ۇيىمداردا (ماگاتە) جۇمىس ٸستەيتٸن 600-دەن استام يادرولىق ماماندار دايارلاندى. ۋنيۆەرسيتەت يادرولىق فيزيكا سالاسىنداعى حالىقارالىق باستامالار مەن جوبالارعا بەلسەندٸ قاتىسادى, سونىمەن قاتار ميفي, ممۋ, وساكا, حوككايدو جەنە باسقا ۋنيۆەرسيتەتتەرمەن يادرولىق فيزيكا سالاسىندا بەلسەندٸ جۇمىس ٸستەيدٸ. 2022 جىلعى 12 قىركٷيەكتە ەل-فارابي اتىنداعى قازۇۋ بازاسىندا ميفي فيليالىنىڭ سالتاناتتى اشىلۋى ٶتتٸ جەنە قازٸر وندا «يادرولىق فيزيكا جەنە تەحنولوگييالار» ماماندارى دايارلانۋدا».

فورۋم جۇمىسى اپتانىڭ سوڭىنا دەيٸن جالعاسادى, ونىڭ اياسىندا پانەلدٸك سەسسييالار, دٶڭگەلەك ٷستەلدەر, وتىرىستار مەن پٸكٸرتالاستار ٶتەدٸ.  فورۋم بارىسىندا قازاقستاننىڭ عىلىمي مەكەمەلەرٸ مەن شەتەلدٸك ەرٸپتەستەر اراسىنداعى ىنتىماقتاستىق تۋرالى بٸرنەشە مەموراندۋمعا قول قويىلدى.

قاراگٶز سەرٸكقىزى,

ەل-فارابي اتىنداعى قازۇۋ, باسپاگەرلٸك, رەداكتورلىق جەنە ديزاينەرلٸك ٶنەر

كافەدراسىنىڭ وقىتۋشىسى