بٷگٸن پارلامەنت مەجٸلٸسٸ قابىرعاسىندا ەلەۋمەتتٸك سالاداعى سىبايلاس جەمقورلىققا قارسى ٸس-قيمىل مەسەلەلەرٸ تالقىلانىپ, وندا دەپۋتات ەلنۇر بەيسەنباەۆ تۋريزم جەنە سپورت ۆيتسە-مينيسترٸنەن دەپۋتاتتار ەزٸرلەگەن لۋدومانيياعا قارسى زاڭ جوباسى بٸر جارىم جىل بويى ٷكٸمەتتٸڭ قاراۋىندا نەگە جاتقانىن سۇرادى. بۇل تۋرالى "ۇلت اقپارات" حابارلايدى.
«وسىدان تۋرا 1,5 جىل بۇرىن مەنٸڭ ەرٸپتەستەرٸم «بۋكمەكەرلٸك كەڭسەلەردٸ باقىلاۋ تۋرالى» زاڭ جوباسىن ۇسىنعان. تۋرا 6 اي بۇرىن پرەزيدەنت قاۋٸپسٸزدٸك كەڭەسٸن ٶتكٸزدٸ. 2023 جىلدىڭ قىركٷيەگٸندە جولداۋدان كەيٸن قازاقستاندا لۋدومانييا پروبلەماسى بار ەكەنٸن ايتتى. تٷرلٸ رەسمي-بەيرەسمي دەرەكتەر بويىنشا ونىڭ اينالىمى تريلليون تەڭگەدەن كٶپ. بٸز بارلىعىمىز سول زاڭ جوباسىن كٷتٸپ وتىرمىز. بٸراق ٷكٸمەت ەلٸ ونى بەلگٸسٸز سەبەپتەرمەن ۇستاپ وتىر. مەن بۇل جەردە جەمقورلىق تەۋەكەلٸ بار ما دەپ ناقتى ٷكٸمەتتەن كٷدٸكتەنەمٸن», - دەدٸ ەلنۇر بەيسەنباەۆ.
تۋريزم جەنە سپورت ۆيتسە-مينيسترٸ ميراس تٶلەباەۆ ٶز سٶزٸندە زاڭدى قاراۋ 45 جۇمىس كٷنٸنەن دە كٶپ ۋاقىت الاتىنىن ايتتى.
«رەتتەۋشٸ ەسەردٸ تالداۋ بٸرنەشە ەتاپتان تۇرادى. ولار قوعامدىق تالقىلاۋ, اشىق ٷكٸمەتتٸڭ قاراۋى جەنە جالپى كەسٸپكەرلٸكتٸ قورعاۋ مەن دامىتۋ بويىنشا قۇزىرلى بولىپ ەسەپتەلەتٸن ۇلتتىق ەكونوميكا مينيسترلٸگٸ ماقۇلداعان بولۋى تيٸس. بۇل پروتسەدۋرا رەسمي 45 جۇمىس كٷنٸن قامتيدى. ول مينيمۋم. سونىمەن قاتار بٸرقاتار كەلٸسپەۋشٸلٸك بولسا, قاراۋ ۋاقىتى سوزىلۋى مٷمكٸن. لوببيزم ەلەمەنتتەرٸ دە بولۋى مٷمكٸن ەكەنٸن جوققا شىعارمايمىن. ونىڭ ٸشٸندە كەسٸپكەرلەر پالاتاسى دا بار. سەبەبٸ ولاردىڭ مٸندەتٸ كەسٸپكەرلەردٸڭ قۇقىعىن قورعاۋ. جەنە بٸز بارلىق الاڭداردا, وعان سٸزدەر دە قاتىسقانسىزدار, بۇل قارسىلىقپەن كٷرەسٸپ كەلەمٸز. رەتتەۋشٸ ەسەردٸ تالداۋدا 17 تٷزەتۋ ەندٸ, بۇل زاڭ جوباسى 55 تٷزەتۋ قاراستىرادى. سوندىقتان ٷكٸمەت ونى قاساقانا ۇستاپ وتىر دەۋ دۇرىس ەمەس», - دەدٸ ۆيتسە-مينيستر.
ۆيتسە-مينيستردٸڭ سٶزٸنە دەپۋتات اسحات ايماعامبەتوۆ تە شٷيلٸكتٸ.
«ٷكٸمەت زاڭ جوباسىن ۇزاق قاراۋى ارقىلى ٷكٸمەت رەگلامەنتٸن جەنە زاڭدى بۇزىپ وتىر», -دەدٸ اسحات ايماعامبەتوۆ.
