قر سىرتقى ٸستەر مينيسترٸنٸڭ بٸرٸنشٸ ورىنباسارى مۇحتار تٸلەۋبەردٸ قىتايداعى قازاق ديساسپوراسىنىڭ مەسەلەسٸن تالقىلاۋ ٷشٸن ٷرٸمجٸگە بارادى. بۇل تۋرالى بٷگٸن ول مەجٸلٸستەگٸ ٷكٸمەت ساعاتىندا ايتتى, دەپ حابارلايدى قازاقپارات.
ايتا كەتەرلٸگٸ, ٷكٸمەت ساعاتى بارىسىندا مەجٸلٸس دەپۋتاتى بەكبولات تٸلەۋحان قازاقستانعا كەلٸپ ازاماتتىق الا الماي جٷرگەن قانداستارىمىزدىڭ جاعدايىن ايتقان بولاتىن.
«راسىندا بەكبولات قانايۇلى كٶتەرگەن مەسەلە ورىندى. تاريحي وتانىنا قايتامىن دەگەن قازاقتار شەتەلدە كٶپ. ٶزدەرٸڭٸز بٸلەسٸزدەر, بٸزدٸڭ تاراپتان دا قولدان كەلگەنشە جاعداي جاسالىپ جاتىر. مەسەلەن, بىلتىر دٷنيەجٷزٸ قازاقتارىنىڭ قۇرىلتايىندا ەلباسىمىزعا قىتاي قازاقتارعا قاتىستى مەسەلە ايتىلدى. ولارعا جەڭٸلدٸكپەن ازاماتتىق الۋ كەزٸندە بٸراز قۇجاتتار قيىندىق تۋدىرادى ەكەن. ەلباسىمىزدىڭ تاپسىرماسى بويىنشا ٸشكٸ ٸستەر مينيسترلٸگٸ سول قۇجاتتاردان باس تارتتى, تالاپ ەتپەيتٸن بولدى», - دەدٸ بٸرٸنشٸ ۆيتسە-مينيستر.
دەگەنمەن, ونىڭ ايتۋىنا قاراعاندا, بٷگٸندە بۇل مەسەلە باسقا مەسەلەگە اينالىپ شىعا كەلگەن.
«مىسالى قىتايدان كەلگەن قازاقتار جەڭٸلدٸكپەن ازاماتتىق الادى. ودان كەيٸن قىتاي ەلشٸلٸگٸنە بارىپ تٶلقۇجاتتارىن تاپسىراتىن. ال ٷرٸمجٸ جاققا قايتىپ بارعان كەزدە ولار تۇراقتى تٸركەۋدەن شىقپاعاندىقتان قامالىپ جاتىر. ٶيتكەنٸ ولار تۇراقتى تٸركەۋدەن شىقپاعاننان كەيٸن قوسىمشا ەلەۋمەتتٸك تٶلەمدەر الىپ وتىر. جەرگٸلٸكتٸ بيلٸك سوعان تىيىم سالماق. مٸنە وسىندا مەسەلەلەر تۋىنداۋدا», - دەدٸ ول.
وسى رەتتە ۆيتسە-مينيستر شەتەلدەن كەلگەن قانداستارىمىزدىڭ ازاماتتىق الۋلارىنا جەڭٸلدٸك جاساۋ مەسەلەسٸن جان-جاقتى قاراستىرۋ قاجەتتٸگٸن باسا ايتتى.
«سول ەلدەگٸ تالاپتارعا قايشى كەلمەيتٸندەي جاساۋىمىز كەرەك. جالپى جوعارىدا ايتقان مەسەلەگە قاتىستى قىتاي ٷكٸمەتٸمەن كەلٸسسٶزدەر ٶتكٸزٸپ جاتىرمىز. مەن ەرتەڭ ٷرٸمجٸگە ساپارلاماقپىن. سول جاقتاعى قازاق دياسپوراسى مەسەلەسٸن تالقىلاۋ ٷشٸن رەسمي ساپارمەن بارامىن», - دەدٸ مۇحتار تٸلەۋبەردٸ.
شەتەلدەن كەلگەن قانداستارىمىزدىڭ ازاماتتىق الۋىنا بٸرقاتار جەڭٸلدٸك جاسالعانىن ٸشكٸ ٸستەر مينيسترٸ قالمۇحانبەت قاسىموۆ دا ايتتى.
«دەگەنمەن, ورالمان مەرتبەسٸن العاننان كەيٸن بٸر جىلدىڭ ٸشٸندە بٸزگە ارىز بەرٸپ, ازاماتتىعىن الۋى كەرەك. ولار كٶبٸنە بٸر جىلدىڭ ٸشٸندە جٷگٸنبەيدٸ, 15-17 ايدان كەيٸن ارىز بەرەدٸ. سوندىقتان بٸز ولاردى قايتارامىز. قازٸر بٸز زاڭعا ٶزگەرٸستەر ەنگٸزەيٸن دەپ جاتىرمىز. سوندا ارىز بەرۋ مەرزٸمٸن ۇزارتىپ, جەڭٸلدٸك جاسايتىن بولامىز», - دەدٸ قالمۇحانبەت قاسىموۆ.
