بٷگٸن قر پارلامەنتٸ سەناتىنداعى ٷكٸمەت ساعاتىندا قر ٸشكٸ ٸستەر مينيسترٸ قالمۇحانبەت قاسىموۆ جول-پاترۋلدٸك پوليتسەيلەرٸ اراسىنداعى جەمقورلىقپەن كٷرەس شارالارى قالاي جٷرٸپ جاتقانىن ايتتى, دەپ حابارلايدى قازاقپارات.
«كەز كەلگەن جاعدايدا جول پوليتسيياسى شەشٸم قابىلداۋى تيٸس, ال بٸز ٶز تاراپىمىزدان قاداعالاۋ جاساۋىمىز كەرەك. سوندىقتان نەگٸزگٸ ٸس-قيمىلدارىمىزدى باقىلاۋعا باعىتتاپ وتىرمىز. بٷگٸندە ۆيدەوتٸركەۋٸشتەر مەن ۆيدەوجەتوندارعا كٶشتٸك. اتاپ ايتقاندا, قازٸرگٸ كەزدە پوليتسييا قىزمەتكەرٸ جولدىڭ بويىندا تۇرىپ الىپ, توقتاتپايدى. ياعني, تەك اۆتوكٶلٸكپەن شولعىنداۋ جٷزەگە اسىرىلادى. ماشينادا كەم دەگەندە ەكٸ ۆيدەوتٸركەۋٸش ورنالاستىرىلعان, وسى ورايدا بٸز پوليتسەيلەرلەردٸڭ بارلىق ٸس-قيمىلدارىن باقىلايمىز», - دەپ تٷسٸندٸردٸ مينيستر.
جىل سوڭىنا دەيٸن بارلىق پوليتسەيلەردٸ ۆيدەوتٸركەۋٸشتەرمەن قامتاماسىز ەتۋ تاپسىرماسى بار ەكەنٸن توقتالعان ول: «سوندىقتان مەن ٶزٸمنٸڭ بۇيرىعىممەن پوليتسەيلەرگە مۇنسىز جٷرگٸزۋشٸلەرمەن جۇمىس ٸستەۋگە تىيىم سالدىم. كەيبٸر وبلىستاردا كٶلٸكتەر تولىقتاي وسى قۇرىلعىلارمەن قامتىلعان, ال قالعان ٶڭٸرلەردە 30-40 پايىز دەڭگەيٸندە عانا», - دەدٸ.
سونىمەن قاتار ۆەدومستۆونىڭ ٸشكٸ قاۋٸپسٸزدٸك دەپارتامەنتٸ دە قىزمەتكەرلەر اراسىندا تەربيەلٸك ەرٸ تٷسٸندٸرۋ شارالارىن اتقارىپ جاتقانىن اتاپ ٶتتٸ. «وسى ورايدا بۇل جۇمىستاردىڭ بارلىعى جول پوليتسەيلەرٸ اراسىنداعى سىبايلاس جەمقورلىق قىلمىستارىن تٶمەندەتۋگە مٷمكٸندٸك بەرەدٸ», - دەدٸ قاسىموۆ
