ۆەتنامعا قونىس اۋدارۋ ٷشٸن بارعان قازاقستاندىق جۇپتىڭ قول جٷگٸندە بولعان 3 400 دوللارى ۇشىپ كەلگەننەن كەيٸن جوعالىپ كەتكەن. ولار اقشانى تبيليسي – الماتى – دانانگ باعىتى بويىنشا Air Astana رەيستەرٸمەن الىپ ۇشقان, دەپ حابارلايدى ult.kz.
بۇل تۋرالى اننا ماگنەلي Instagram پاراقشاسىندا ۆيدەو جارييالادى.
ونىڭ ايتۋىنشا, اقشا كونۆەرتتە بولعان جەنە قول جٷگٸ بٷكٸل ساپار بويى ٶزدەرٸندە بولعان. الايدا دانانگقا قونعاننان كەيٸن اپارتامەنتكە ورنالاسىپ, كونۆەرتتٸ اشقاندا, ٸشٸندەگٸ 3 400 دوللاردىڭ ورنىنا مالاۆي كۆاچاسى سالىنعانىن انىقتاعان.
«اقشانى جاي عانا الىپ كەتپەگەن. كونۆەرتتٸ اشىپ, 3 400 دوللاردى الىپ, ورنىنا باسقا بانكنوتتاردى سالىپ كەتكەن», – دەيدٸ ول.
ماگنەليدٸڭ سٶزٸنشە, بۇل اقشا ولاردىڭ ۆەتنامعا قونىس اۋدارعاننان كەيٸنگٸ العاشقى ۋاقىتقا العان قاراجاتى بولعان. جۇپ جيناعان اقشاسىن ەدەيٸ دوللارعا ايىرباستاپ, ٶزدەرٸمەن بٸرگە الىپ بارعان.
قازٸر ولار وقيعانىڭ قاي جەردە جەنە كٸمنٸڭ قاتىسۋىمەن بولعانىن انىقتاۋعا تىرىسىپ جاتىر. جۇپ Air Astana ەۋە كومپانيياسىنا رەسمي تٷردە جٷگٸنٸپ, ٶتٸنٸشٸن تٸركەگەن.
«قازٸر كٸمنٸڭ كٸنەلٸ ەكەنٸن بٸلمەيمٸز, سوندىقتان ناقتى ەشكٸمدٸ ايىپتاپ وتىرعان جوقپىز», – دەدٸ اننا.
ونىڭ ايتۋىنشا, اقشا جوعالعاننان كەيٸن ولار قيىن جاعدايعا تاپ بولعان. سەبەبٸ ۆەتنامداعى بٸرنەشە كٷنگە جالعا العان اپارتامەنتتٸڭ اقىسى دا ەلٸ تٶلەنبەگەن.
اننا ەلەۋمەتتٸك جەلٸ قولدانۋشىلارىنان اقشا سۇرامايتىنىن جەنە قايىرىمدىلىق جيناۋدى جوسپارلامايتىنىن اتاپ ٶتتٸ. ونىڭ ايتۋىنشا, قازٸرگٸ تاڭدا ولار ٷشٸن ەڭ ماڭىزدىسى – جاعدايعا نازار اۋدارتۋ جەنە اۆياكومپانييا ٶكٸلدەرٸنٸڭ ولارمەن بايلانىسىپ, وقيعانى انىقتاۋعا كٶمەكتەسۋٸ.
ايتا كەتەيٸك, قازٸرگٸ ۋاقىتتا 3 400 دوللاردىڭ ناقتى قاي جەردە جوعالعانى جەنە وعان كٸمنٸڭ قاتىسى بارى تۋرالى رەسمي اقپارات جوق.
