قازاقستانداعى جٷزەگە اسقان كونستيتۋتسيونالدىق ٶزگەرٸستەر ەلدٸڭ دامۋىنا ٷلكەن سەپتٸگٸن تيگٸزدٸ. بۇل پٸكٸردٸ ەۋروپا كەڭەسٸ ۆەنەتسيان كوميسسيياسىنىڭ پرەزيدەنتٸ دجانني بۋكيككيو حالىقارالىق كونفەرەنتسييادا ايتتى, دەپ حابارلايدى قازاقپارات.
«1990 جىلعى 24 سەۋٸردە قازاق سسر پرەزيدەنتٸ لاۋازىمىن بەلگٸلەۋ تۋرالى زاڭى قابىلداندى. بۇل ٶز كەزەگٸندە ۇلتتىق مەكەمەلەردٸ قۇرۋدا ماڭىزدى قادام بولدى», - دەدٸ د. بۋكيككيو قازاقستاندا پرەزيدەنتتٸك ينستيتۋتتىڭ ەنگٸزٸلگەنٸنە 30 جىل تولۋىنا وراي ونلاين رەجيمدەگٸ حالىقارالىق عىلىمي-تەجٸريبەلٸك كونفەرەنتسييادا.
«ۆەنەتسيان كوميسسيياسىندا بٸز تيٸستٸ تالداۋ جٷرگٸزدٸك. بٸراز جىلدان بەرٸ ۆەنەتسيان كوميسسيياسى كٶپتەگەن ەلدەرگە قولداۋ كٶرسەتۋدە, ونىڭ ٸشٸندە قازاقستان دا بار. بۇل تۇرعىدا كونستيتۋتسيونالدىق رەفورمالار جٷرگٸزۋدە تيٸستٸ قولداۋلار جاسالدى. كونستيتۋتسييا باستاپقىدان دۇرىس جازىلىپ, تەڭگەرٸمدٸ بولعانىمەن, كٶپ جاعدايدا سول كونستيتۋتسييانىڭ ەرەجەلەرٸ قالاي ورىندالىپ جاتقانى ٶزەكتٸ بولادى», - دەپ توقتالدى اتالعان كوميسسيياسىنىڭ پرەزيدەنتٸ.
دجانني بۋكيككيو تەجٸريبەلٸك قادامدارعا توقتالا كەلە, كونستيتۋتسيياعا تٷزەتۋلەر ەنگٸزۋدە قاجەتتٸلٸكتەر بولاتىنىن اتاپ ٶتتٸ.
«نەلٸكتەن دەموكراتييالىق ەلدەر كونستيتۋتسيونالدىق رەفورمالاردى جٷرگٸزەدٸ? بۇل قادامدار اتقارۋشى, زاڭنامالىق ەرٸ سوت سەكٸلدٸ بيلٸك تارماقتارى اراسىندا تەڭگەرٸمگە قول جەتكٸزۋ ٷشٸن, سونداي-اق الداعى سىن-قاتەردٸ ەڭسەرۋگە ەرٸ ازاماتتاردىڭ زاڭدى تالابىن قاناعاتتاندىرۋ ٷشٸن ٸسكە اسىرىلادى... 2017 جىلدا قازاقستاندا كونستيتۋتسيونالدىق رەفورمالاردى جٷرگٸزۋ كەزٸندەگٸ نەگٸزگٸ ماقسات – ول بيلٸكتٸ بٶلۋدٸڭ قولدانىستاعى جٷيەسٸن جاقسارتۋ. ۆەنەتسيان كوميسسيياسى وسىنداي كونستيتۋتسيونالدىق ٶزگەرٸس العا ٸلگەرٸلەۋدەگٸ ٷلكەن قادام بولادى دەپ سانايدى», - دەدٸ دجانني بۋكيككيو.
