ۆاشينگتونداعى رەسەي ەلشٸلٸگٸنٸڭ الدىنداعى الاڭعا قاستاندىقتان قازا تاپقان رەسەيلٸك وپپوزيتسييالىق ساياساتكەر بوريس نەمتسوۆتىڭ اتى بەرٸلدٸ. بۇل تۋرالى زاڭ جوباسى بەكٸتٸلٸپ, كٷشٸنە ەنگەنٸن بوريس نەمتسوۆ قورىنىڭ تٶراعاسى كٸشٸ ۆلاديمير كارا-مۋرزا حابارلادى.
كارا-مۋرزا الاڭنىڭ رەسمي تٷردە اشىلۋ سالتاناتى 27 اقپان – ساياساتكەردٸڭ قازا تاپقانىنا ٷش جىل تولاتىن كٷنٸ ٶتەتٸنٸن ايتتى.
ۆاشينگتون قالالىق كەڭەسٸ قاڭتاردىڭ باسىندا نەمتسوۆ الاڭى تۋرالى زاڭ جوباسىن قابىلداۋ تەرتٸبٸن جەدەلدەتۋدٸ قولداپ داۋىس بەرگەن. مۇنىڭ الدىندا زاڭ جوباسىن كەڭەستٸڭ سالالىق كوميتەتٸ قولداعان.
بوريس نەمتسوۆتٸ 2015 جىلى 27 اقپاندا مەسكەۋدٸڭ ورتالىعىندا كرەملگە جاقىن كٶپٸر ٷستٸندە اتىپ ٶلتٸرٸپ كەتكەن. مەسكەۋ بيلٸگٸ ساياساتكەر قازا تاپقان جەردە ەسكەرتكٸش تاقتا ورناتۋعا كەدەرگٸ كەلتٸرٸپ وتىر. ال قالالىق كوممۋنالدىق قىزمەت وقيعا ورنىنا تۇرعىندار ورناتاتىن مەموريالدى ٷنەمٸ بۇزىپ كەتەدٸ.
