Vashingtondaǵy Resei elshiliginiń aldyndaǵy alańǵa qastandyqtan qaza tapqan reseilik oppozitsiialyq saiasatker Boris Nemtsovtyń aty berildi. Bul týraly zań jobasy bekitilip, kúshine engenin Boris Nemtsov qorynyń tóraǵasy kishi Vladimir Kara-Mýrza habarlady.
Kara-Mýrza alańnyń resmi túrde ashylý saltanaty 27 aqpan – saiasatkerdiń qaza tapqanyna úsh jyl tolatyn kúni ótetinin aitty.
Vashington qalalyq keńesi qańtardyń basynda Nemtsov alańy týraly zań jobasyn qabyldaý tártibin jedeldetýdi qoldap daýys bergen. Munyń aldynda zań jobasyn keńestiń salalyq komiteti qoldaǵan.
Boris Nemtsovti 2015 jyly 27 aqpanda Máskeýdiń ortalyǵynda Kremlge jaqyn kópir ústinde atyp óltirip ketken. Máskeý biligi saiasatker qaza tapqan jerde eskertkish taqta ornatýǵa kedergi keltirip otyr. Al qalalyq kommýnaldyq qyzmet oqiǵa ornyna turǵyndar ornatatyn memorialdy únemi buzyp ketedi.
