قر دسم سانيتارييالىق-ەپيدەميولوگييالىق باقىلاۋ كوميتەتٸنٸڭ ۆاكتسيناعا كٶنەتٸن ينفەكتسييالاردى باقىلاۋ باسقارماسىنىڭ باسشىسى نۇرشاي ەزٸمباەۆا كوروناۆيرۋسقا قارسى ۆاكتسينانىڭ ماڭىزى تۋرالى ايتىپ بەردٸ, دەپ حابارلايدى قازاقپارات.
قر دسم سانيتارييالىق-ەپيدەميولوگييالىق باقىلاۋ كوميتەتٸنٸڭ ۆاكتسيناعا كٶنەتٸن ينفەكتسييالاردى باقىلاۋ باسقارماسىنىڭ باسشىسى نۇرشاي ەزٸمباەۆا:
«ۆاكتسينالاۋدىڭ ماڭىزى تۋرالى ايتا كەتكٸم كەلەدٸ. ۆاكتسينالاۋ – ٸندەتكە قارسى تۇرۋدىڭ, ادامداردى كوروناۆيرۋس قاۋپٸنەن ساقتاندىرۋدىڭ ەڭ وزىق امالدارىنىڭ بٸرٸ. ەكپە ساۋ ادامدارعا سالىناتىندىقتان, حالىق اراسىندا قازٸر ەگٸلەتٸن پرەپاراتقا كٷمەنمەن قارايتىندار دا بار. ول تٷسٸنٸكتٸ. ساۋ ادامعا ۆاكتسينا سالىنعاننان كەيٸن ونىڭ بويىنان جاعىمسىز ەسەرلەر بايقالسا, ەلبەتتە, حالىق ودان قورقا باستايدى. بۇل رەتتە ينفەكتسييانىڭ اسا بٸر ٷرەيلٸ كەزەڭدەرٸ ٶتكەندەي بولعاندىقتان, حالىق ونىڭ قاۋپٸنەن گٶرٸ ۆاكتسينانىڭ جاعىمسىز ەسەرٸنە كٶبٸرەك نازار اۋدارۋدا», - دەدٸ نۇرشاي ەزٸمباەۆا.
باسقارما باسشىسى مىسالعا پوليوميەليت اۋرۋىن كەلتٸردٸ.
«بۇرىن اتالارىمىز بەن ەجەلەرٸمٸزگە ۆاكتسينانىڭ نەلٸكتەن كەرەكتٸگٸن تٷسٸندٸرۋدٸڭ ٶزٸ دە ارتىق بولاتىن. ٶيتكەنٸ ەر اۋىلدا پوليوميەليتپەن اۋىراتىن ادامدار كٶپ ەدٸ. بۇل اۋرۋعا شالدىققاندار ورنىنان قوزعالا الماي, قوزعالا الاتىندارى قولىنا تاياق ۇستاپ ەرەڭ جٷرەتٸن. قىزىلشادا دا سول. بٸر ٷيدە 10-15 بالا بولعان كەزدەردە قىزىلشاعا شالدىعىپ, اجالدىڭ سودان كەلەتٸن جاعدايى دا كٶپ بولعان. وعان قارسى ۆاكتسينا پايدا بولعان كەزدە ادامدار ويلانعان جوق – بٸردەن ەكپە الدى. سەبەبٸ ۆاكتسينانىڭ جاعىمسىز ەسەرٸنەن گٶرٸ اۋرۋدىڭ ٶزٸ نەشە ەسە قاۋٸپتٸ ەكەنٸن جاقسى تٷسٸنەتٸن. بۇرىن قاۋٸپتٸ بولعان سول ينفەكتسييالار قازٸر «شەگٸندٸ». ولار دا بٸر كەزدەرٸ كوروناۆيرۋس سەكٸلدٸ جۇرتتىڭ ٷرەيٸن ۇشىراتىن. سوندىقتان سول ينفەكتسييالار ۆاكتسينالار ارقىلى جويىلعانىن ەسكە سالامىز», - دەدٸ نۇرشاي ەزٸمباەۆا.
ەسكە سالا كەتسەك, بۇعان دەيٸن نۇرشاي ەزٸمباەۆا اقىلى ەكپە كابينەتتەرٸندە كۆي-گە قارسى ۆاكتسينا سالىنبايتىنىن ەسكەرتكەن ەدٸ.
